సీఎం కాన్వాయ్ రాకతో అంబులెన్స్‌ను ఆపేశారు: చిన్నారి తల్లి వేడుకున్నా కనికరించలేదు

పాట్నా: బీహార్ సీఎం నితీష్ కుమార్ కాన్వాయ్ కోసం అంబులెన్స్‌ను నిలిపివేయడంతో తన బిడ్డను కాపాడాలంటూ ఓ తల్లి ఆర్తనాదాలు చేయాల్సిన పరిస్థితి ఏర్పడింది. తన బిడ్డను ఆస్పత్రికి తీసుకెళ్లాలని.. తమను తొందరగా పంపించాలని పోలీసులను వేడుకున్నప్పటికీ వారు కనికరించలేదు. సుమారు గంటకుపైగా అంబులెన్స్‌ను నిలిపివేశారు. ఈ ఘటన బీహార్ రాజధాని పాట్నాలో చోటు చేసుకుంది.

బీహార్ ముఖ్యమంత్రి సీఎం నితీశ్‌ కుమార్‌ శనివారం నలందాలో ఇథనాల్ ఫ్యాక్టరీని ప్రారంభించారు. అనంతరం కాన్వాయ్‌లో పాట్నాకు తిరిగి వెళ్లారు. ఈ సందర్భంగా ఆ మార్గంలో ట్రాఫిక్‌ను పోలీసులు నిలిపివేశారు. దీంతో సీఎం కాన్వాయ్ వెళ్లిపోయే వరకు అంబులెన్స్ ట్రాఫిక్‌లో ఉండటంతో వారు గంటపాటు ఎదురుచూడాల్సి వచ్చింది. దీంతో అనారోగ్యంతో ఉన్న ఆ బిడ్డ స్పృహ కోల్పోయాడని మీడియా కథనాలు పేర్కొన్నాయి.

కాగా, అంబులెన్స్‌కు దారి ఇవ్వాలని ట్రాఫిక్‌ పోలీసులను ఆ మహిళ ప్రాధేయపడింది. అయితే పసిపాప పరిస్థితి చూసినప్పటికీ అంబులెన్స్‌ వెళ్లేందుకు ట్రాఫిక్‌ పోలీసులు అనుమతించలేదు. ఈ నేపథ్యంలో సుమారు గంటపాటు అంబులెన్స్‌ అక్కడే నిలిచిపోయిది. మరోవైపు పసిపాప అచేతనంగా ఉండటం చూసి ఆ తల్లి తల్లడిల్లిపోయింది. ఏమీ చేయలేని పరిస్థితిలో ఆమె బోరున ఏడ్చింది.

बिहार के सीएम नीतीश के काफिले ने एम्बुलेंस को रोका #nitishkumar #bihar #ambulance #viralvideo #nextindiatimes pic.twitter.com/476rNzx1iL

— NEXTINDIATIMES-NIT (@nextindiatimes) September 30, 2023

నెల రోజుల క్రితం కూడా బీహార్ రాష్ట్రంలో ఇదే తరహా ఘటన వెలుగులోకి వచ్చింది. అప్పుడు అంబులెన్స్‌ను ఆపిన పోలీసులను గుర్తించినప్పటికీ.. ప్రభుత్వం ఎలాంటి చర్యలు తీసుకోలేదు.

English summary

Ambulance halted for Bihar CM Nitish Kumar's convoy, child's life at risk.