• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

ఆర్యన్ ఖాన్ డ్రగ్స్ కేసు: ఉచ్చు బిగిస్తున్న ఎన్సీబీ; కొడుకు బెయిల్ కోసం షారూక్ ఖాన్ పోరాటం!!

|

బాలీవుడ్ బాద్ షా షారుక్ ఖాన్ తనయుడు ఆర్యన్ ఖాన్ డ్రగ్స్ కేసు రోజుకో కొత్త మలుపు తిరుగుతోంది. నార్కోటిక్స్ కంట్రోల్ బ్యూరో ముంబై క్రూయిజ్ డ్రగ్ కేసులో నటుడు షారూఖ్ ఖాన్ కుమారుడు ఆర్యన్ ఖాన్ కు మరింత ఉచ్చు బిగిస్తోంది. కొడుకు కోసం తండ్రి బాలీవుడ్ బాద్ షా షారూక్ ఖాన్ కోర్టులలో పోరాటం చేస్తున్నాడు. మరోపక్క ఆర్థర్ జైల్లో ఉన్న ఆర్యన్ ఖాన్ సరిగా తినటం లేదు, కనీసం నీళ్ళు కూడా సరిగా తాగటం లేదని తెలుస్తుంది.గత కొద్ది రోజులుగా బెయిల్ కోసం ప్రయత్నాలు చేస్తున్నా ఎన్సీబీ ఆర్యన్ ఖాన్ బెయిల్ ను అడుగడుగునా అడ్డుకుంటుంది. ఈ రోజు మరోమారు బెయిల్ పిటీషన్ పై విచారణ జరగనుంది.

ఆర్యన్ ఖాన్ ను కేంద్ర సంస్థలు టార్గెట్ చేసింది అందుకే; బీజేపీపై మెహబూబా ముఫ్తీ షాకింగ్ కామెంట్స్ఆర్యన్ ఖాన్ ను కేంద్ర సంస్థలు టార్గెట్ చేసింది అందుకే; బీజేపీపై మెహబూబా ముఫ్తీ షాకింగ్ కామెంట్స్

ఆర్యన్ ఖాన్ బెయిల్ కేసు గురువారం కొనసాగనున్న విచారణ

ఆర్యన్ ఖాన్ బెయిల్ కేసు గురువారం కొనసాగనున్న విచారణ

ముంబై క్రూయిజ్ డ్రగ్ కేసులో ఆర్యన్ ఖాన్ , ఆర్బాజ్ ఖాన్, మున్మున్ ధమేచాలతో పాటు పలువురు అరెస్టు కావడం సంచలనం సృష్టించింది. ఈ కేసుపై బుధవారం నాడు విచారణ జరగగా ఎన్సీబీ ఆర్యన్ ఖాన్ కు బెయిల్ ఇవ్వరాదని వాదించింది. ముంబై కోర్టు గురువారం ఆర్యన్ ఖాన్ తో పాటు ఇతర నిందితులు అర్బాజ్ మర్చంట్ మరియు మున్మున్ ధమేచా బెయిల్ దరఖాస్తులపై విచారణను కొనసాగించనుంది. డ్రగ్స్ సేకరణ మరియు నిషేధిత డ్రగ్స్ పంపిణీతో ఆర్యన్ ఖాన్ సంబంధాలను ఎన్‌సిబి కనుగొన్నట్లు పేర్కొనడంతో కోర్టు బుధవారం విచారణను వాయిదా వేసింది. గురువారం మళ్ళీ విచారణ కొనసాగనుంది.

 ఆర్యన్ ఖాన్ డ్రగ్స్ కేసులో ఏం జరిగింది ?

ఆర్యన్ ఖాన్ డ్రగ్స్ కేసులో ఏం జరిగింది ?

అక్టోబర్ 2 న ముంబై నుండి గోవా వెళ్తున్న కార్డెలియా క్రూయిజ్ షిప్‌లో డ్రగ్స్ పార్టీ జరిగింది. ఈ డ్రగ్స్ పార్టీని ఎన్‌సిబి ఛేదించింది. ఈ బృందం 13 గ్రాముల కొకైన్, 21 గ్రాముల హషిష్, 22 మాత్రలు ఎండీఎంఏ, 5గ్రాముల ఎండీ మరియు 6 గ్రాముల చరాస్ ను స్వాధీనం చేసుకుంది. ఈ కేసులో ఇద్దరు నైజీరియన్ పౌరులతో సహా ఇప్పటివరకు 20 మందిని అరెస్టు చేసింది. ప్రత్యేక నార్కోటిక్స్ డ్రగ్స్ అండ్ సైకోట్రోపిక్ సబ్‌స్టాన్స్ (ఎన్‌డిపిఎస్) కోర్టు లో ఆర్యన్ ఖాన్ మరియు ఇతర నిందితులకు బెయిల్ కోసం దాఖలు చేసిన పిటిషన్‌పై విచారణ జరుపుతోంది.

ఎన్సీబీ ఇప్పటివరకు కోర్టులో క్లెయిమ్ చేసింది ఇదే

ఎన్సీబీ ఇప్పటివరకు కోర్టులో క్లెయిమ్ చేసింది ఇదే

ఎన్‌సిబి, బుధవారం ప్రత్యేక కోర్టులో దాఖలు చేసిన అఫిడవిట్ లో 23 ఏళ్ల ఆర్యన్ ఖాన్ అతడి సన్నిహితుడు అర్బాజ్ మర్చంట్ నుండి డ్రగ్స్ సేకరించేవాడని తమ దర్యాప్తులో తేలిందని పేర్కొంది. డ్రగ్స్ సేకరణ మరియు పంపిణీలో నిందితుడు నంబర్ 1 గా ఉన్న ఆర్యన్ ఖాన్ పాత్ర ఉన్నట్లు దర్యాప్తులో తేలింది అని ఎన్‌సిబి తన సమాధానంలో పేర్కొంది. సెంట్రల్ ఇన్వెస్టిగేటివ్ ఏజెన్సీనిందితుడు నంబర్ 1 ఆర్యన్ ఖాన్, నిందితుడు నంబర్ 2 అర్బాజ్ మర్చంట్ , అర్బాజ్‌తో సంబంధం ఉన్న వ్యక్తుల నుండి డ్రగ్స్ కొనుగోలు చేసేవాడని కూడా దర్యాప్తులో వెల్లడైందని పేర్కొంది.

 ఆర్యన్ ఖాన్ కు గ్లోబల్ డ్రగ్స్ గ్యాంగ్ లతో లింకులు

ఆర్యన్ ఖాన్ కు గ్లోబల్ డ్రగ్స్ గ్యాంగ్ లతో లింకులు

అంతకుముందు, కేంద్ర ఏజెన్సీ ఆర్యన్ ఖాన్ మరియు అర్బాజ్ మర్చంట్ మధ్య వాట్సాప్ చాట్‌లలో డ్రగ్స్ కు సంబంధించిన సంభాషణలు జరిగాయని గుర్తించినట్టు పేర్కొంది. ఆర్యన్ ఖాన్, అర్బాజ్ మర్చంట్ ఇద్దరూ కలిసి డ్రగ్స్ కొనుగోలు చేస్తున్నట్టు, వీరికి గ్లోబల్ డ్రగ్స్ ముఠాలతో లింకులు ఉన్నట్లుగా నార్కోటిక్స్ కంట్రోల్ బ్యూరో పేర్కొంది. వీరు డార్క్ వెబ్ ద్వారా డ్రగ్స్ ఆర్డర్ చేసేవారని, క్రిప్టోకరెన్సీ ద్వారా చెల్లింపులు చేసేవారని పేర్కొంది. నాలుగు సంవత్సరాల నుండు ఆర్యన్ ఖాన్ డ్రగ్స్ తీసుకుంటున్నట్టు వెల్లడైందని పేర్కొంది. అదనపు సొలిసిటర్ జనరల్ అనిల్ సింగ్ ఆర్యన్ ఖాన్ బెయిల్‌కు వ్యతిరేకంగా వాదించారు.

 కేసులో కీలక నిందితుడు ఆర్యన్ ఖాన్ అన్న ఎన్సీబీ

కేసులో కీలక నిందితుడు ఆర్యన్ ఖాన్ అన్న ఎన్సీబీ

క్రూయిజ్ షిప్‌లో ఉన్నవారు మొదట షూలు, సాక్స్‌లు మరియు శానిటరీ న్యాప్‌కిన్ లోపల కూడా డ్రగ్స్ దాచడానికి ప్రయత్నించారని, భద్రతా తనిఖీ నుండి తప్పించుకోవాలని ప్లాన్ చేశారని నార్కోటిక్స్ కంట్రోల్ బ్యూరో గతంలో వెల్లడించింది. ఎన్‌సిబి జరిపిన దాడిలో అర్బాజ్ మర్చంట్ షూస్ నుండి ఆరు గ్రాముల చరాస్ ను గుర్తించినట్టు ఎన్‌సిబి బుధవారం తెలిపింది. ఈ కేసులో ఆర్యన్ ఖాన్ కీలక నిందితుడని, ఆర్యన్ ఖాన్ పై దర్యాప్తు ఇంకా కొనసాగుతుందని పేర్కొంది. ఈ వ్యవహారంలో ఆర్యన్ ఖాన్ అమాయకుడేమీ కాదని నార్కోటిక్స్ కంట్రోల్ బ్యూరో పేర్కొంది. మొత్తం దేశం మాదకద్రవ్యాల వాడకం గురించి ఆందోళన చెందుతోందని, ఇది కేవలం ఒక వ్యక్తి వినియోగం మాత్రమే కాదని, ఎన్‌సిబి కార్యకలాపాలు నిర్వహిస్తున్న 'గ్యాంగ్' ను పట్టుకోవాల్సి ఉందని ఎన్సీబీ వెల్లడించింది.

ఆర్యన్ కోసం వాదన ఇలా

ఆర్యన్ కోసం వాదన ఇలా

ఆర్యన్ ఖాన్ బెయిల్ పిటిషన్ కోసం వాదిస్తూ, సీనియర్ న్యాయవాది అమిత్ దేశాయ్ బుధవారం తక్కువ సంఖ్యలో డ్రగ్స్ స్వాధీనం చేసుకోవడానికి సంబంధించిన అనేక తీర్పులను ఉదహరించారు. ఆర్యన్ ఖాన్ క్రూయిజ్ షిప్ పార్టీ లో కూడా లేడని, అతను పార్టీకి హాజరుకాబోతున్నప్పుడు పట్టుబడ్డాడని పేర్కొన్నారు. అనేక దేశాలు గంజాయి వంటి పదార్థాలను చట్టబద్ధం చేశాయని మరియు ప్రమాదకరమైన మందుల షెడ్యూల్ నుండి వాటిని తొలగించాయని దేశాయ్ వాదించారు. నిందితులు కొంతమంది చిన్నపిల్లలు ఉన్నారని వారు తమ తప్పు తెలుసుకుని తీవ్ర మనస్తాపంతో ఉన్నారని, ఈ కేసులో వారిని అక్రమ మాదకద్రవ్యాల రవాణా చేస్తున్న వారిగా పరిగణించడం చాలా తీవ్రమైన అంశమని వాదించారు.

    డ్రగ్స్ మాఫియాను కట్టడి చేయడానికి మరో ప్రజా ఉద్యమం రావాలి!!
    డ్రగ్స్ దొరకకుండా,వాట్సప్ చాట్ లతో కస్టడీలో ఉంచటం నిరాధారం

    డ్రగ్స్ దొరకకుండా,వాట్సప్ చాట్ లతో కస్టడీలో ఉంచటం నిరాధారం

    ఇంతకు ముందు జరిగిన విచారణలలో ఆర్యన్ తరపున న్యాయవాది సతీష్ మానేషిండే వాదించారు. ఆర్యన్ ఖాన్ దగ్గర నుండి ఎటువంటి డ్రగ్స్ కనుగొనబడలేదని పేర్కొన్నారు. అలాంటప్పుడు నేరం ఎక్కడ జరిగిందో చూపించాలన్నారు. అతని వాట్సాప్ చాట్‌లలో ఫుట్‌బాల్ మరియు ఇతర సంబంధిత అంశాల గురించి మాత్రమే సందేశాలు ఉన్నందున, నిందితులను అదుపులో ఉంచేలా ఎన్‌సిబికి ఎలాంటి ఆధారాలు లేవని వాదించారు. అయితే, అక్టోబర్ 3 న ఎన్‌సిబి అరెస్టు చేసిన తర్వాత ఆర్యన్ ఖాన్ బెయిల్ పిటిషన్ మూడుసార్లు తిరస్కరించబడింది. ఎన్‌డిపిఎస్ ప్రత్యేక కోర్టు ఇప్పుడు బెయిల్ పిటిషన్‌పై విచారణ జరుపుతోంది. ఇప్పుడైనా ఆర్యన్ ఖాన్ కు బెయిల్ వస్తుందా అన్నది ప్రస్తుతం అందరిలో ఉత్కంఠ కారణంగా మారింది.

    English summary
    Shahrukh Khan son Aryan Khan drug case is taking a new turn every day. The NCB is set to further trap actor Shah Rukh Khan son Aryan Khan in the Mumbai cruise drug case. Father Shahrukh Khan is fighting in the courts for his son bail.
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X