Ayodhya verdict: అయోధ్య కేసులో సుప్రీంకోర్టు మినిట్-టూ- మినిట్ అప్‌డేట్స్, హైలైట్స్

Updated: Saturday, November 9, 2019, 15:42 [IST]

అయోధ్య రామజన్మభూమి-బాబ్రీ మసీదు భూవివాదం కేసులో దేశ అత్యున్నత న్యాయస్థానం తీర్పును చదివి వినిపించింది. కేసులో వాదనలు విన్న న్యాయమూర్తుల మధ్య ఏకాభిప్రాయం కుదిరింది. అయోధ్యలో రామమందిరం బాబ్రీ మసీదు భూవివాదంలో వివాదాస్పదమైన స్థలం ఆలయంకు కేటాయిస్తూ తీర్పు చెప్పింది సుప్రీంకోర్టు. ముందుగా చీఫ్ జస్టిస్ రంజన్ గొగోయ్ కేసు పూర్వాపరాలను చదివి వినిపించారు. చీఫ్ జస్టిస్ రంజన్ గొగోయ్ కొన్ని ప్రధాన అంశాలను చదివి వినిపించారు. ఇక శనివారం ఉదయం సుప్రీంకోర్టు హాలులో జరిగిన మినిట్‌-టూ- మినిట్ అప్‌డేట్స్ ఇలా ఉన్నాయి.

* బాబ్రీ మసీదు ఖాళీ స్థలంలో నిర్మాణం జరగలేదు. దాని కింద ఉండే మరో కట్టడం ఇస్లామిక్ మూలంకు అనుగుణంగా లేవు

* అంతర్లీనంగా ఉన్న కట్టడానికి ఇస్లాం మూలాలు లేవు. ఆలయం ఉండేదని తెలుస్తోంది దీనికి రుజువులు ఉన్నాయి. అయితే ఆర్కియాలాజికల్ సర్వే ఆఫ్ ఇండియా రిపోర్టు చూస్తే ఆలయం కూల్చడం జరిగిందని చెప్పేందుకు ఎలాంటి రుజువులు పొందుపర్చలేదు.

* అయోధ్యలోనే రాముడు జన్మించారని భావిస్తున్న హిందువుల విశ్వాసంను తప్పుపట్టలేము

* చారిత్రాత్మకమైన ఘటనలు, హిందువుల విశ్వాసంను బట్టి అయోధ్య శ్రీరాముడి జన్మస్థలం అని తెలుస్తోంది. విశ్వాసం అనేది ఒక వ్యక్తికి సంబంధించి వ్యక్తిగత అంశం.