వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts
Oneindia App Download

ఇక డీపీఐఎల్ వంతు: మరో రూ.2,654కోట్ల కుంభకోణాన్ని వెలికి తీసిన సీబీఐ

|
Google Oneindia TeluguNews

న్యూఢిల్లీ: కేంద్ర దర్యాప్తు సంస్థ(సీబీఐ) మరో భారీ కుంభకోణాన్ని వెలుగులోకి తెచ్చింది. గుజరాత్‌లోని వడోదరకు చెందిన డైమండ్‌ పవర్‌ ఇన్‌ఫ్రాస్ట్రక్చర్‌ లిమిటెడ్(డీపీఐఎల్) అనే కంపెనీ రూ.2,654కోట్ల భారీ మోసానికి పాల్పడింది. ఈ కంపెనీపై సీబీఐ కేసు నమోదు చేసింది.

ఎలక్ట్రిక్‌ కేబుల్స్‌, పరికరాలు తయారుచేసే ఈ కంపెనీ డైరెక్టర్లు పలు బ్యాంకుల్లో రూ.2,654కోట్ల మోసాలకు పాల్పడ్డట్లు సీబీఐ పేర్కొంది. కంపెనీ డైరెక్టర్ల నివాసాలు, కార్యాలయాల్లో సీబీఐ సోదాలు నిర్వహిస్తోందని దర్యాప్తు సంస్థ అధికార ప్రతినిధి ఒకరు తెలిపారు.

Bank-promoter nexus saga: CBI registers case against M/s Diamond Power Infrastructure

ఈ కంపెనీలో ఎస్‌ఎన్‌ భట్నాగర్‌, ఆయన కుమారులు అమిత్‌ భట్నాగర్‌, సుమిత్‌ భట్నాగర్‌లు ఎగ్జిక్యూటివ్స్‌గా ఉన్నట్లు సీబీఐ వెల్లడించింది. 2016-17 సంవత్సరంలో ఈ కంపెనీ తీసుకున్న రుణం నిరర్ధక ఆస్తులుగా ప్రకటించారని తెలిపింది. ఈ కంపెనీ మోసపూరితంగా 11 బ్యాంకుల కన్సార్టియం (పబ్లిక్‌, ప్రైవేట్‌ బ్యాంకులు) నుంచి 2008 నుంచి రుణాలు తీసుకుని చెల్లించలేదని, 2016 జూన్‌ చివరి నాటికి కంపెనీ ఎగ్గొట్టిన రుణాలు రూ.2,654కోట్లకు చేరాయని సీబీఐ తెలిపింది.

రుణాలు చెల్లించని వారి జాబితాలో ఆర్బీఐ ఈ కంపెనీ, డైరెక్టర్ల పేర్లు చేర్చినప్పటికీ వారు పలుమార్లు వివిధ బ్యాంకుల నుంచి రుణాలు పొందినట్లు తెలుస్తోందని సీబీఐ వెల్లడించింది. అలాగే కంపెనీ తప్పుడు స్టాక్‌ స్టేట్‌మెంట్స్‌ చూపించిందని వెల్లడించింది. వరుసగా వెలుగు చూస్తున్న ఈ కుంభకోణాలు దేశంలో సంచలనంగా మారుతున్నాయి. సుప్రీంకోర్టు కూడా తాజాగా బ్యాంకులపై ఆగ్రహం వ్యక్తం చేసింది. బ్యాంకులకు తెలిసే ఈ కుంభకోణాలు జరుగుతున్నాయని, అయినా ఎలాంటి స్పందనా లేదని ఆగ్రహం వ్యక్తం చేసింది.

English summary
As reports of banks flouting guidelines to aid interests of promoters and commercial entities continue to pour in, another case emerged on Thursday as CBI registered a case against Vadodara-based M/s Diamond Power Infrastructure Ltd (DPIL).
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X