లిక్కర్ స్కాం అప్రూవర్ నుంచి బీజేపీకి 44.5 కోట్ల విరాళం-బయటపెట్టిన ఎన్నికల బాండ్లు..!

ఢిల్లీ మద్యం కుంభకోణంలో సీఎం అరవింద్ కేజ్రివాల్ అరెస్టు దేశవ్యాప్తంగా చర్చనీయాంశమవుతోంది. ఈడీ నిన్న రాత్రి కేజ్రివాల్ ను అరెస్టు చేసి ఇవాళ కోర్టులో హాజరుపర్చేందుకు సిద్దమవుతోంది. కేజ్రివాల్ అరెస్టుపై విపక్షాలు తీవ్రంగా మండిపడుతున్నాయి. ఈడీతో పాటు కేంద్రం తీరుపై ఆగ్రహం వ్యక్తం చేస్తున్నాయి. అదే సమయంలో నిన్న ఎన్నికల కమిషన్ బయటపెట్టిన ఎన్నికల బాండ్ల డేటా ఇదే కేసులో బీజేపీకి అందిన విరాళాల్నీ బయటపెట్టింది.

ఢిల్లీ మద్యం కుంభకోణంలో ఆప్, బీఆర్ఎస్ నేతల పాత్ర ఉందంటూ వరుసగా అరెస్టులు చేస్తున్న ఈడీ.. ఇదే కేసులో అప్రూవర్ గా మారిన అరబిందో ఫార్మా అధినేత పినాక శరత్ చంద్రారెడ్డి నుంచి బీజేపీ తీసుకున్న ఎన్నికల బాండ్ల విరాళాలపై ఎందుకు దృష్టిసారించడం లేదనే ప్రశ్నలు తలెత్తుతున్నాయి. శరత్ చంద్రారెడ్డికి చెందిన అరబిందో ఫార్మా ఆయన మద్యం కేసులో అప్రూవర్ గా మారక ముందే బీజేపీకి ఎన్నికల బాండ్ల ద్వారా రూ.5 కోట్లు విరాళంగా చెల్లించింది. అప్రూవర్ గా మారాక మరో 35 కోట్లు చెల్లించింది. మరో విడతలో మిగతా మొత్తం చెల్లించినట్లు ఎన్నికల బాండ్ల డేటా బయటపెట్టింది.

Delhi CM Kejriwal was arrested yesterday by ED in the Liquor policy case.

Here's an Electoral Bond revelation. One of the main accused (Pinaka Sarath Chandra Reddy of Aurobindo Pharma) in the case, who turned approved gave Rs 62 crore via bonds of which Rs 44.5 crore went to the… pic.twitter.com/IjaarDbwRf

— Mohammed Zubair (@zoo_bear) March 21, 2024

దీంతో మద్యం కేసులో విపక్షాలతో పాటు బీజేపీ కూడా లబ్ది పొందిందంటూ సోషల్ మీడియాలో నెటిజన్లు ఆరోపిస్తున్నారు. ఫ్యాక్ట్ చెకర్ మొహమ్మద్ జుబైర్ ఈ మేరకు బీజేపీకి అరబిందో నుంచి అందిన విరాళాలకు సంబంధించిన ఎన్నికల బాండ్ల డేటాను బయటపెట్టారు. దీంతో శరత్ చంద్రారెడ్డిని అప్రూవర్ గా మార్చాక బీజేపీకి ఇంత భారీ మొత్తంలో విరాళాలు అందడం చర్చనీయాంశమవుతోంది. కానీ ఇప్పటివరకూ ఈడీ ఏ ఒక్క బీజేపీ నేతనూ ఈ కేసులో అరెస్టు చేయకపోవడం విశేషం.

English summary

amid delhi cm arvind kejriwal's arrest in delhi liquor case, electoral bonds data released by ec shows that bjp got rs.44.5 cr donations from the same case approver sarath chandra reddy.