చైనా కన్నింగ్ ప్లాన్: అక్సాయ్ చిన్ గుండా భారత్ కు దగ్గరగా మరో ఎక్స్ప్రెస్వే!!
డ్రాగన్ కంట్రీ చైనా తన దుందుడుకు చర్యలు ఏ మాత్రం మానుకోవడం లేదు. భారత్ ను తైవాన్ లా భయపెట్టడం కోసం చైనా రకరకాల ప్రయోగాలు చేస్తోంది. ఒకపక్క గ్రే జోన్ ఆపరేషన్లను తీవ్ర తీవ్రం చేసేందుకు ప్రయత్నిస్తూనే, మరోపక్క గ్రామాలకు గ్రామాలనే నిర్మాణం చేస్తూ, వివాదాస్పదమైన ప్రాంతాల్లో రోడ్లు వేస్తూ మరింత ఉద్రిక్తతను పెంచుతుంది. ఇప్పటికే ఉద్రిక్తతలను చూసిన అనేక వివాదాస్పద ప్రాంతాలకు దగ్గరగా మరోమారు చైనా తన కుయుక్తులను ప్రదర్శిస్తోంది. ప్రస్తుతం చైనా అక్సాయ్ చిన్ గుండా ఒక కొత్త హైవే నిర్మించాలని యోచిస్తున్నట్లు తెలుస్తోంది.
భారత్ సరిహద్దుకు దగ్గరగా చైనా మరో హైవే నిర్మాణం ప్లాన్
చైనా కొత్తగా విడుదల చేసిన హైవే నిర్మాణ ప్రణాళిక ప్రకారం, భారతదేశ సరిహద్దు వెంబడి జింజియాంగ్ను టిబెట్తో కలుపుతూ అక్సాయ్ చిన్ గుండా మరో రహదారిని నిర్మించాలని యోచిస్తోంది. వివాదాస్పద అక్సాయ్ చిన్ ప్రాంతం ద్వారా G695 జాతీయ ఎక్స్ప్రెస్వే రెండవ జాతీయ రహదారిగా ఉంటుంది. ఇక్కడ 1950లలో G219 హైవే యొక్క వివాదాస్పద నిర్మాణం నుండి భారతదేశం క్లెయిమ్ చేసిన 38,000 చదరపు కిలోమీటర్ల భూమిని చైనా ఈ నిర్మాణం ద్వారా నియంత్రిస్తుంది. ఇక ఈ కొత్త రహదారి 2035 నాటికి పూర్తవుతుందని భావిస్తున్నారు. .
వాస్తవాధీన రేఖకు దగ్గరగా చైనా హైవే
హాంకాంగ్కు చెందిన సౌత్ చైనా మార్నింగ్ పోస్ట్ బుధవారం నివేదించిన కొత్త రహదారి, G219 కంటే వాస్తవ నియంత్రణ రేఖకు దగ్గరగా వస్తుందని సూచిస్తుంది. ప్రస్తుతం జిన్జియాంగ్ ఉయ్గుర్ అటానమస్ రీజియన్లో నిర్వహించబడుతున్న అక్సాయ్ చిన్ ద్వారా, భారతదేశం, నేపాల్ మరియు భూటాన్లతో పాటు దక్షిణం వైపునకు మరియు అరుణాచల్ ప్రదేశ్ నుండి సరిహద్దు మీదుగా ఆగ్నేయ టిబెట్లోని లుంజే వరకు ఈ రహదారిని నిర్మించడానికి చైనా రెడీ అవుతుంది.
తూర్పు లడఖ్ నుండి డోక్లాం సమీపంలో భారతదేశం-చైనా-భూటాన్ ట్రైజంక్షన్కు దగ్గరగా హైవే
ప్రతిపాదిత రహదారి యొక్క మ్యాప్ విడుదల చేయబడనప్పటికీ, నివేదిక వివరించిన మార్గం అక్సాయ్ చిన్ మీదుగా రహదారి నిర్మాణం జరుగుతుందని సూచిస్తుంది . ఇక ఈ రహదారి ఇటీవల ఉద్రిక్తతలను చూసిన అనేక వివాదాస్పద ప్రాంతాలకు దగ్గరగా తీసుకువస్తుందని సౌత్ చైనా మార్నింగ్ పోస్ట్ నివేదించింది. తూర్పు లడఖ్ నుండి డోక్లాం సమీపంలో భారతదేశం-చైనా-భూటాన్ ట్రైజంక్షన్కు దగ్గరగా ఉంది. "కొత్త నిర్మాణానికి సంబంధించిన వివరాలు అస్పష్టంగానే ఉన్నాయి, అయితే హైవే పూర్తయితే, వాస్తవాధీన రేఖ వద్ద దేప్సాంగ్ ప్లెయిన్స్, గాల్వాన్ వ్యాలీ మరియు హాట్ స్ప్రింగ్స్ వంటి తీవ్ర వివాదాస్పద ప్రాంతాలకు సమీపంలోకి రావచ్చు అని నివేదిక పేర్కొంది.
గతంలో ఉన్న హైవే కి అనుబంధంగా వివాదాస్పద ప్రాంతాలకు అతి చేరువగా మరో హైవే
G695 కోసం ప్రణాళిక G219కి అనుబంధంగా మరొక సరిహద్దు రహదారిని నిర్మించడానికి మరియు సరిహద్దు ప్రాంతాల వైపు వనరులను వేగంగా సమీకరించడంలో చైనాకు సహాయపడే మరొక కీలక వనరుగా పనిచేయడానికి సుదీర్ఘ చర్చలను అనుసరిస్తుంది. జాతీయ రహదారులను మారుమూల సరిహద్దు ప్రాంతాలకు కూడా అనుసంధానం చేసే ప్రాంతీయ స్థాయిలో ద్వితీయ రహదారుల నిర్మాణాన్ని కూడా చైనా వేగవంతం చేసింది.
కొత్త జాతీయ రహదారి నెట్వర్క్ ప్రణాళికను ఆవిష్కరించిన చైనా
2035 నాటికి 1,62,000 కి.మీ జాతీయ ఎక్స్ప్రెస్వేలు మరియు 2,99,000 కి.మీ ప్రావిన్షియల్ హైవేలతో సహా 4,61,000 కి.మీ రహదారులను నిర్మించాలనే లక్ష్యంతో బీజింగ్ కొత్త జాతీయ రహదారి నెట్వర్క్ ప్రణాళికను ఆవిష్కరించినట్టు తెలుస్తుంది. ప్రణాళిక ప్రకారం, 1 లక్ష జనాభా ఉన్న అన్ని నగరాలు 30 నిమిషాల్లో జాతీయ రహదారికి అనుసంధానించబడతాయని మార్నింగ్ పోస్ట్ పేర్కొంది.
-
ముంబాయి ఇండియన్స్ కెప్టెన్సీ నుంచి హార్డిక్ ఔట్, కొత్త కెప్టెన్ ఫిక్స్..!? -
అప్పటి వరకూ పాకిస్థాన్ కు నో వాటర్: భారత్ సంచలనం -
భారత పారిశ్రామిక వృద్ధి రేటు తగ్గుదల.. యుద్ధం కంటే ముందే..! -
కిర్రాక్ ఫీచర్లతో Boat Valour Watch 1R.. ధర ఎంతంటే ?? -
ఏసీ గదుల్లో ఎక్కువగా ఉంటున్నారా- అయితే, ఇది తెలుసుకోవాల్సిందే..!! -
40 ఏళ్లలో లేని అతిపెద్ద పసిడి పతనం. 1983 సీన్ రిపీట్! -
పాతాళానికి బంగారం ధరలు- రంజాన్ పండగ వేళ -
తమిళనాడులో ఆ పార్టీదే అధికారం: విజయ్ రాకతో మారిన ఈక్వేషన్లు -
రేషన్ లబ్దిదారులకు కేంద్రం గుడ్ న్యూస్- మూడు నెలల కోటా ఒకేసారి పంపిణీ -
బంగారం ధరల అంచనాలు తలకిందులు -
మేషరాశి, సింహరాశి, వృశ్చిక రాశి, ధనుస్సు రాశులకు ఏప్రిల్ నెలలో రాజయోగం -
బంగాళాఖాతంపై ఆవర్తనం- ఏపీలోని ఈ జిల్లాల్లో భారీ వర్షాలు
Click it and Unblock the Notifications
Sign in with Google