ఫైన్ వేసిందుకు, సినిమా తరహాలోనే కానిస్టేబుల్ ను కుమ్మేసిన బిజెపి నేత

భోపాల్: హెల్మెట్ లేకుండా నడపడమే కాదు, పరిమితికి మించి బైక్ ముగ్గురు యువతులు వెళ్ళడాన్ని ప్రశ్నించిన కానిస్టేబుల్ ను చితకబాదారు మధ్య ప్రదేశ్ లో బిజెపి నాయకుడి కుటుంబసభ్యులు. నిబంధనల ప్రకారంగా వ్యవహరించడమే ఆ కానిస్టేబుల్ చేసిన పని.

మధ్యప్రదేశ్ రాష్ట్రంలోని గునాలో శోభనా రఘువంశి అనే వ్యక్తి అక్కడ బ్లాక్ ప్రెసిడెంట్ గా ఉన్నారు. ఆయన కుటుంబానికి చెందిన ముగ్గురు అమ్మాయిలు ఒకే వాహానంపై హెల్మెట్ లేకుండా వెళ్తున్నారు.

అయితే ట్రాఫిక్ నిబంధనలను అతిక్రమించినందుకు వారికి ఫైన్ వేశాడు. ఈ విషయాన్ని వారు ఇంటికి ఫోన్ చేసి చెప్పారు. దీంతో శోభనా భర్త రాజీవ్ రఘువంథీ కొంతమంది అనుచరులతో అక్కడికి చేరుకొన్నాడు.

నేరుగా పోలీస్ కంట్రోల్ రూమ్ కు వెళ్ళి సినిమాలో చూపించినట్టుగానే ఓ రౌడీ ఎలా దాడి చేస్తాడో అలానే ఆ పోలీసు కాలర్ పట్టుకొని బయటకు లాక్కొచ్చి మరీ కొట్టారు.

అయితే బిజెపి నాయకుడి దాడి నుండి తోటి కానిస్టేబుల్ ను ఇతర పోలీసులు రక్షించారు. ఈ సమయంలో నే ఇతర పోలీసులకు కూడ బిజెపి నాయకుడు రాజీవ్ హెచ్చరికలు జారీ చేశారు.

English summary

A police constable is thrown to the ground, punched and kicked repeatedly by a group of four to five men, as many others watch. The savage attack, which was captured on cell phone cameras, was led by the family members of a local BJP leader and took place on Saturday afternoon right outside the Police Control Room in Guna.