విమానంలో మహిళతో అసభ్యంగా, బిజినెస్మెన్ అరెస్ట్
ఢిల్లీ: ఇండిగో విమానంలో తోటి మహిళా ప్రయాణికురాలిని వేధించాడనే ఆరోపణలతో ఓ ప్రయాణికుడిని అరెస్టు చేశారు. ఈ సంఘటన సోమవారం నాడు జరిగింది. కోల్కతాలోని సుభాష్ చంద్రబోస్ అంతర్జాతీయ విమానాశ్రయం నుంచి ఢిల్లీకి వెళ్లేందుకు ఇండిగో విమానం సిద్ధమైంది.
సిబ్బంది సూచనతో సీటు బెల్టు పెట్టుకున్న వెంటనే ఓ మహిళ ఉన్నట్లుండి గట్టిగా అరిచింది. దీంతో బయలుదేరాల్సిన విమానాన్ని సిబ్బంది ఆపింది. సిబ్బంది వెళ్లి ఏమయిందని ప్రశ్నించారు. తనను పక్క సీట్లో కూర్చున్న తోటి ప్రయాణీకుడు సంజయ్ కనద్ లైంగికంగా వేధించాడని చెప్పింది.
దీంతో వారిద్దరినీ సిబ్బంది కోల్కతా విమానాశ్రయంలో దించారు. ఆ తర్వాత ఆ విమానం బయలుదేరింది. దీని పైన విచారణ జరిపిన ఆమె ఫిర్యాదు మేరకు కేసు నమోదు చేసి, సంజయ్ను అరెస్టు చేశారు. సంజయ్ ఢిల్లీకి చెందిన వ్యాపారవేత్త అని తెలుస్తోంది.
Click it and Unblock the Notifications
Sign in with Google