ఘోర అగ్నిప్రమాదం: చిన్నారులతో సహా 9మంది మృతి

ముంబై: మహారాష్ట్ర రాజధాని ముంబైలోని అంధేరీ ప్రాంతంలో ఓ మందుల దుకాణంలో గురువారం తెల్లవారుజామున భారీ అగ్నిప్రమాదం చోటుచేసుకుంది. దుకాణంలో షార్ట్‌ సర్యూ్కట్‌ కారణంగానే ఈ ప్రమాదం చోటుచేసుకున్నట్లు పోలీసులు తెలిపారు. ఈ ఘటనలో తొమ్మిది మంది మృతి చెందినట్లు పోలీసులు భావిస్తున్నారు.

మృతుల్లో నలుగురు చిన్నారులు, ఒక పసికందు ఉన్నట్లు గుర్తించారు. ప్రమాదం జరిగిస సమయంలో భవనంలోని మొదటి అంతస్థులో ఓ కుటుంబం నిద్రిస్తోందని మంటలు వేగంగా పై అంతస్థువరకు వ్యాపించడంతో పొగధాటికి ఊపిరి ఆడక అక్కడికక్కడే చనిపోయారని పోలీసులు పేర్కొన్నారు.

ఫైరింజన్లతో అగ్నిమాపక సిబ్బంది ఘటనాస్థలికి చేరుకుని మంటలు అదుపుచేశారు. మందుల దుకాణంలో ఉన్న ఓ సిలిండర్ పేలడం కారణంగానే ఇంత పెద్ద ప్రమాదం చోటు చేసుకుని ఉంటుందని పోలీసులు అనుమానిస్తున్నారు.

English summary

Five children among nine were killed in a fire at a building housing a medical store in Andheri, Mumbai on Thursday, police said.