40 పడవలు: బంగాళాఖాతంలో 640 జాలర్ల గల్లంతు

కోల్‌కతా: బంగాళాఖాతంలో 640 మంది జాలర్లు గల్లంతయ్యారు. నలబై పడవల్లో (ట్రాలర్స్)లో చేపల వేటకు వెళ్లిన వీరంతా ఆదివారం సాయంత్రం నుంచీ కనిపించడం లేదు. 32 మందితో మత్స్యకారులతో వెళ్తున్న మరో రెండు పడవలు మునిగిపోగా వారిలో 25 మందిని రక్షించారు.

గల్లంతైన మత్స్యకారుల కోసం కోస్ట్ గార్డ్ బృందాలు గాలింపు జరుపుతున్నాయి. అయితే, తుఫాను కారణంగా తమ ప్రయత్నాలు ముందుకు సాగడం లేదని అధికారులు అంటున్నారు. పశ్చిమ బెంగాల్ రాష్ట్రంలోని దక్షిణ 24 పరగణాల జిల్లా కాక్‌ద్వీప్ సమీపంలో ఈ సంఘటన జరిగింది.

ఒక్కో పడవలో 16 మంది జాలర్లు ఉన్నట్లు సమాచారం. కాక్‌ద్వీప్‌లోని సంఘం లాయిజన్ యూనిట్‌తో వారికి సంబంధాలు తెగిపోయాయి. గత రాత్రి తుఫాను సందర్భంగా సూర్యనారాయణ్, మహారుద్ర అనే పడవలు సముద్రంలో చిక్కుకున్నాయి.

ఇదిలావుంటే, రాయిదిఘి నుంచి బయలుదేరిన మరో ఐదు పడవలు ఒడిషాలోని ధామ్రా ఓడరేవుకు చేరుకోగలిగాయి. వీటిలో జాలర్లంతా సురక్షితంగా ఉన్నారు.

English summary

Forty trawlers, carrying 640 fishermen, have gone missing in the Bay of Bengal near Kakdwip in South 24 Parganas district, an official of the Fishermen Association said on Monday.