400 రైల్వే స్టేషన్లలో ఉచిత గూగుల్ వైఫై

న్యూఢిల్లీ: దేశవ్యాప్తంగా 400 రైల్వేస్టేషన్లో ఉచిత వైఫై సదుపాయం అందుబాటులోకి వచ్చింది. రైల్‌టెల్‌ సహకారంతో ప్రముఖ టెక్‌ సంస్థ గూగుల్‌ ప్రయాణికులకు ఈ సదుపాయం కల్పించింది.

అసోంలోని దిబ్రుగఢ్‌ రైల్వేస్టేషన్‌లో గురువారం ఉచిత వైఫై ఏర్పాటుచేశారు. దీంతో దేశవ్యాప్తంగా 400 రైల్వేస్టేషన్లలో ఈ సదుపాయం అందుబాటులోకి వచ్చిందని గూగుల్‌ ఓ ప్రకటనలో వెల్లడించింది.

డిజిటల్‌ ఇండియాలో భాగంగా 2016 జనవరిలో ఈ ఉచితవైఫై కార్యక్రమానికి శ్రీకారం చుట్టారు. రైల్వేశాఖకు చెందిన టెలికాం విభాగం రైల్‌టెల్‌ సహాకారంతో గూగుల్‌ రైల్వేస్టేషన్లలో వైఫై రూటర్లను ఏర్పాటుచేస్తోంది. తొలిసారిగా ముంబై సెంట్రల్‌ స్టేషన్లో ఈ ఉచిత వైఫై సదుపాయాన్ని అందుబాటులోకి తెచ్చారు.

ప్రాజెక్టును చేపట్టిన తొలి ఏడాదిలో దేశవ్యాప్తంగా 100 పెద్ద రైల్వేస్టేషన్‌లలో వైఫైను ఏర్పాటుచేశారు. నేటితో ఆ సంఖ్య 400కు చేరింది. ఈ వైఫైతో స్టేషన్లకు వచ్చే ప్రయాణికులు 30 నిమిషాల పాటు ఉచితంగా ఇంటర్నెట్‌ వినియోగించుకోవచ్చు.

English summary

After launching its first free WiFi service from Mumbai Central station in January 2016, Google has today announced the completion of the free service at 400 railway stations across India in collaboration with RailTel, the telecom arm of Indian Railways. Dibrugarh in Assam has become the 400th railway station to get the free WiFi service from Google, said the internet giant in a statement.