కలకలం: బాత్ రూంలోకొచ్చిన ఐదడుగుల మొసలి

ఆనంద్: నదుల్లో, పెద్ద పెద్ద సరస్సుల్లో కనిపించే మొసలి ఒక్కసారిగా తమ బాత్ రూంలో కనిపించడంతో ఆ కుటుంబ‌సభ్యులు తీవ్ర భయాందోళనకు గురయ్యారు. ఈ ఘటన గుజరాత్ రాష్ట్రంలోని ఆనంద్ జిల్లాలో చోటు చేసుకుంది.

సోజిత్ర పట్టణంలోని ఓ ఇంట్లోకి సుమారు ఐదడుగుల మొసలి ప్రవేశించింది. ఈ ఘటన జులై 21న చోటు చేసుకుంది. తమ ఇంట్లోని బాత్‌రూంలో ఐదడుగుల మొసలిని చూసిన తమ కుటుంబసభ్యులందరూ ఒక్కసారిగా తీవ్ర భయాందోళనకు గురైనట్లు ఆ ఇంటి యజమాని భరత్ పటేల్ తెలిపారు.

బాత్‌రూంలో ఆ మొసలి ఓ పక్కకు ఉండటంతో వెంటనే బాత్ రూం తలుపులు మూసి వేసినట్లు ఆయన చెప్పారు. తమ ఇంట్లో ఓ మొసలి ఉందని చుట్టు పక్కల వారందరికీ చెప్పాడు. ఆ మొసలి ఇంట్లోకి ఎలా వచ్చిందనేది వారికి కూడా తెలియకపోవడం గమనార్హం.

ఆ తర్వాత సమాచారం అందుకున్న అటవీశాఖ అధికారులు పటేల్ ఇంటికి చేరుకున్నారు. ఆ మొసలిని స్వాధీనం చేసుకున్నారు. అనంతరం ఆనంద్ జిల్లాలోని మలతాజ్ గ్రామంలోని ఓ సరస్సులో ఆ మొసలిని వదిలిపెట్టారు.

English summary

A five-foot crocodile entered into a bathroom in a residential society in Sojitra town of Gujarat's Anand district. The encounter happened on July 21.