Wife: కొత్త పెళ్లికూతుర్ని చంపిన హార్డ్ వేర్ ఇంజనీర్, ఆ బిడ్డకు తండ్రి నేనా, అక్క మొగుడా ?, విమానంలో జంప్ !

బెంగళూరు: ఉద్యోగం చెయ్యడానికి యువకుడు ఐటీ హబ్ చేరుకున్నాడు. హార్డ్ వేర్ ఇంజనీరుగా ఉద్యోగం చేస్తున్న యువకుడు లక్షల్లో జీతం సంపాధిస్తున్నాడు. పక్కింటిలో నివాసం ఉంటున్న యువతితో అతనికి పరిచయం అయ్యింది. ఇద్దరూ ప్రేమించుకున్నారు. ఆరు నెలల క్రితం గ్రాండ్ గా పెళ్లి జరిగింది. భార్య ప్రస్తుతం గర్బవతి. అక్క మొగుడితో భార్య అక్రమ సంబంధం పెట్టుకుందని, అతని వలనే తన భార్య గర్బవతి అయ్యందని భర్త రగిలిపోయాడు. భార్యను చంపేసి ఆమె అక్క మొగుడికి రేయ్ నెక్ట్స్ నువ్వే, నిన్ను కచ్చితంగా లేపేస్తా అంటూ హార్డ్ వేర్ ఇంజనీరు మెసేజ్ పంపించిన భర్త విమానంలో ఎస్కేప్ అయ్యాడు.

కోల్ కత్తా టూ బెంగళూరు

పశ్చిమ బెంగాల్‌లోని కోల్‌కతా నగరానికి చెందిన నాసీర్ హుస్సేన్ అలియాస్ నాసీర్ (30) అనే యువకుడు ఉద్యోగం చెయ్యడానికి బెంగళూరు నగరానికి వచ్చాడు. తావరకెరె సమీపంలోని ఓ అద్దె ఇంటిలో నాసీర్ నివాసం ఉంటున్నాడు. నాసీర్ నివాసం ఉంటున్న పక్కింటిలో నాజ్ ఖానం అలియాస్ నాజ్ (23) అనే యువతి నివాసం ఉంటున్నది. కొన్ని రోజులకే నాజ్ కు, నాసీర్ కు పరిచయం అయ్యింది. ఇద్దరూ ఒకే మతానికి చెందిన వారు కావడంతో మాట్లాడుకోవడం మొదలుపెట్టారు.

ఐలవ్ యూ డార్లింగ్

హార్డ్‌వేర్ ఇంజనీర్‌గా ఉద్యోగం చేస్తున్న నాసీర్ మంచి జీతం తీసుకుంటున్నాడు. తరువాత నాసీర్, నాజ్ ల పరిచయం ప్రేమగా మారింది. కొంతకాలం నాసీర్, నాజ్ ప్రేమించుకున్నారు. తన ప్రియుడు నాసీర్ ను పెళ్లి చేసుకుంటానని ప్రియురాలు నాజ్ ఆమె కుటుంబ సభ్యులకు చెప్పింది. మంచి ఉద్యోగం చేస్తున్న నాసీర్ తో పెళ్లి చెయ్యడానికి ప్రియురాలు నాజ్ కుటుంబ సభ్యులు గ్రీన్ సిగ్నల్ ఇచ్చారు. అయితే కోలో కత్తాలో ఉంటున్న నాసీర్ కుటుంబ సభ్యులు నాజ్ తో పెళ్లి చేసుకోవడానికి వీలులేదని, మాకు ఈ పెళ్లి ఇష్టం లేదని తేల్చి చెప్పారు.

ఆరు నెలల క్రితం గ్రాండ్ గా పెళ్లి

నాజ్ కుటుంబీకులు పెళ్లికి అంగీకరించారు. ఈ పెళ్లికి మేమురాము అని నాసీర్ కుటుంబం వ్యతిరేకించారు. చివరకు తల్లిదండ్రులు లేకపోయినా నాసీర్ అతని ప్రియురాలు నాజ్ తో ఆరు నెలల క్రితం గ్రాండ్ గా పెళ్లి చేసుకున్నాడు. వివాహం చేసుకున్న నాసీర్, నాజ్ దంపతులు నాజ్ కుటుంబ సభ్యులు ఉన్న ప్రాంతంలో ఇంటిని అద్దెకు తీసుకుని అక్కడే నివాసం ఉంటున్నారు.

అక్క మొగుడితో భార్య సరసాలు !

నాజ్ కు ఓ అక్క ఉంది. నాజ్ అక్క భర్త ఇలియాజ్ ఖాన్ అలియాస్ ఇలియాజ్. అక్క భర్త ఇలియాజ్ తో నాజ్ చాలా చనువుగా ఉండటం చూసిన హార్డ్ వేర్ ఇంజనీర్ నాసీర్ అతనితో ఎక్కువగా టచ్ లో ఉండకూడదని భార్యకు సూచించాడు. నాకు నీకంటే ముందు నుంచి మా బావ ఇలియాజ్ పరిచయం ఉన్నాడని, నువ్వు అతనితో మాట్లాడకూడదు అంటే ఎలా, ఆయన మా బావ అంటూ నాజ్ ఆమె భర్త నాసీర్ కు ఎదురు తిరగడం మొదలుపెట్టింది.

అక్రమ సంబంధం ఉందని డౌట్ తో ?

ఇక్కడే ఉంటే నా భార్య నాజ్ నా కొంప ముంచుతుందని అనుకున్న నాసీర్ సుద్దగుంటపాళ్య పోలీస్ స్టేషన్ పరిధిలోని సుభాష్ నగర్ లోని ఓ అపార్ట్ మెంట్ లో ఫ్లాట్ అద్దెకు తీసుకునిన 20 రోజుల క్రితమే అక్కడికి వెళ్లిపోయాడు. వేరే ప్రాంతానికి వెళ్లినా తన భార్య నాజ్ ఆమె బావ ఇలియాజ్ తో టచ్ లో ఉందని నాసీర్ కు తెలిసింది.

ఇటీవల భార్య నాజ్ తీరుపై నాసీర్ ఇంకా ఎక్కువ అనుమానం వచ్చింది. ఇదే విషయంలో నాసీర్ ఇంట్లో అతని భార్య నాజ్ తో గొడవ చేస్తున్నాడు.

అపార్ట్ మెంట్ లో భార్యను చంపేసి ?

ఈ గొడవ నాజ్ కుటుంబానికి తెలిసి అల్లుడు నాసీర్ ను మందలించారు. అయినా నాసీర్ మాత్రం పద్దతి మార్చుకోలేదని తెలిసింది. ఎప్పటిలాగే ఆదివారం రాత్రి కూడా భార్య నాజ్ తో నాసీర్ గొడవకు దిగాడు. ఆ తరువాత నాజ్, నాసీర్ ల మధ్య మాటామాటా పెరిగిపోయింది. పరిస్థితి విషమించడంతో ఆగ్రహంతో ఊగిపోయిన నాసీర్ బెడ్ రూమ్ లో అతని భార్య నాజ్ ను గొంతు నులిమి ను హత్య చేశాడు.

మీ చెల్లెలి శవం తెచ్చుకోండి

భార్య నాజ్ ను హత్య చేసిన తరువాత ఆదివారం రాత్రి అంతా నాసీర్ అదే అపార్ట్ మెంట్ లో ఉన్నాడు. సోమవారం నాజ్ అన్న అయూబ్‌ఖాన్‌ మొబైల్‌ ఫోన్‌కు ఓ మేసేజ్ పంపించాడు. మీ సోదరి నాజ్ ను హత్య చేశాను, ఫ్లాట్ లోనే ఆమె మృతదేహం ఉంది, మీరు వెళ్లి శవాన్ని తెచ్చుకోండి అని మెసేజ్ లో వివరించాడు. తరువాత నేరుగా బెంగళూరు అంతర్జాతీయ విమానాశ్రయం చేరుకున్న నాసీర్ విమానంలో కోల్ కత్తా వెళ్లిపోయాడని పోలీసులు తెలిపారు. నాసీర్ పంపించిన మెసేజ్ ఆలస్యంగా చూసిన అయూబ్ ఖాన్ అతని సోదరి నాజ్ ఇంటికి వెళ్లాడు.

రేయ్..... నెక్ట్స్ నువ్వు.... నిన్ను కచ్చితంగా లేపేస్తా

సోదరికి ఫోన్ చేసినా నాజ్ కాల్ రిసీవ్ చెయ్యకపోవడంతో తలుపులు పగులగొట్టి లోపలికి వెళ్లగా బెడ్ రూమ్ లో నాజ్ మృతదేహం కనపడిందని, తరువాత అయూబ్ ఖాన్ మాకు సమాచారం ఇచ్చాడని పోలీసు అధికారులు తెలిపారు. భార్య నాజ్ ను హత్య చేసి విమానంలో కోల్ కత్తాకు పారిపోతున్న సమయంలో నాసీర్ అతని భార్య అక్క భర్త ఇలియాస్‌ కు ఓ మెసేజ్ పంపించాడు. రేయ్, మా సంసారం నాశనం కావడానికి నువ్వే కారణం, నీ గర్ల్ ఫ్రెండ్ అంటే నా భార్య నాజ్ ను చంపేశా, నా భార్యతో అక్రమ సంబంధం పెట్టుకున్న నిన్ను కూడా చంపేస్తా, నెక్ట్స్ నువ్వే, నేను మళ్లీ వస్తా అంటూ ఇలియాజ్ కు మేసేజ్ పంపించాడని సుద్దగుంటపాళ్య పోలీసులు తెలిపారు.

ఆ బిడ్డకు తండ్రి నేనా ? అక్క మొగుడా

కొత్త పెళ్లి కూతురు నాజ్ గర్బవతి అని ఆసుపత్రిలో ఇచ్చిన చీటీకూడా వారి ఫ్లాట్ లో చిక్కిందని పోలీసులు అన్నారు, నాజ్ కడుపులో ఉన్న బిడ్డకు తండ్రి నేను కాదు, ఆమె బావ ఇలియాస్ తండ్రి అని నాసీర్ కొంతకాలంగా గొడవ చేస్తున్నాడని నాజ్ కుటుంబ సభ్యులు చెప్పారని, నిందితుడి కోసం కోల్ కత్తా వెళ్లి గాలిస్తామని బెంగళూరు పోలీసు అధికారులు తెలిపారు.

English summary

Illegal affair: A hardware engineer who killed his wife in the apartment because she was having an illicit relationship with her sister's husband in Bengaluru.