West Bengal: ఒక్క టీషర్ట్ తో వందలాది మంది ప్రాణాలు కాపాడిన బాలుడు..

12 ఏళ్ల బాలుడు వందలాది మంది ప్రాణాలు కాపాడాడు. ఈ ఘటన పశ్చిమ బెంగాల్ లో జరిగింది. తన వేసుకున్న ఎర్రటి టీషర్ట్ ను విప్పి రైలు ఆపాలని సిగ్నల్ ఇచ్చాడు. అతడి రెడ్ సిగ్నల్ తో రైలు ఆగడంతో వందలాది మంది బతికిపోయారు. శ్చిమ బెంగాల్‌లోని మాల్దాలోని రైల్వే యార్డు సమీపంలో సెప్టెంబర్ 28న ఈ ఘటన చోటుచేసుకుంది. పశ్చిమ బెంగాల్‌లోని 12 ఏళ్ల బాలుడు తన ఎర్రటి టీ-షర్టును జెండాగా ఉపయోగించి దెబ్బతిన్న రైల్వే ట్రాక్‌ల వైపు వేగంగా వెళ్తున్న రైలు డ్రైవర్‌ను హెచ్చరించడం ద్వారా పెద్ద రైలు ప్రమాదాన్ని నివారించాడు.

ముర్సలీన్ షేక్ అనే బాలుడు యార్డ్‌లో పనిచేస్తున్న వలస కూలీ కొడుకు. ఘటన జరిగిన సమయంలో ముసలీన్‌ కొందరు కూలీలతో కలిసి యార్డులో ఉన్నాడు. అక్కడ యార్డుకు సమీపంలో ఉన్న రైల్వే ట్రాక్‌ల భాగం దెబ్బతినడం బాలుడికి కనిపించింది. అప్పుడే ఓ ప్యాసింజర్ రైలు వేగంగా రావడం గమనించాడు. వెంటనే ఆ కుర్రాడు తన ఎర్రటి టీ షర్టు తీసి ఎదురుగా వస్తున్న రైలు వైపు ఊపడం మొదలుపెట్టాడు.

రైలు లోకోమోటివ్ పైలట్ రెడ్ సిగ్నల్‌ను గుర్తించి అత్యవసర బ్రేక్‌లు వేయడంతో ప్రమాదం తప్పింది. ఈ ఘటనపై నార్త్-ఈస్ట్ ఫ్రాంటియర్ రైల్వే ప్రతినిధి సబ్యసాచి డి మాట్లాడుతూ, "మాల్డాలోని 12 ఏళ్ల చిన్నారి తన ఎర్ర టీషర్ట్ ను రైలు ఎదురుగా ఊపాడు, దాని కారణంగా లోకో-పైలట్ అత్యవసర బ్రేకులు వేసి రైలు ఆపేశాడు. ప్యాసింజర్ రైలు. భారీ వర్షాల కారణంగా రైల్వే ట్రాక్ దెబ్బతినడంతో చిన్నారి చేశాడు" అని చెప్పాడు.

"ట్రాక్‌ల క్రింద వర్షానికి దెబ్బతిన్న భాగాన్ని చూసి, బాలుడు సరైన సమయంలో తెలివిగా వ్యవహరించాడు. అప్రమత్తమయ్యాడు" అని అధికారి జోడించారు, ఈ చర్య కోసం చిన్నారిని ప్రశంసించారు .రైల్వే అధికారులు బాలుడికి ధైర్య ధృవీకరణ పత్రంతో ఇచ్చి సన్మానించారు. నగదు బహుమతిని కూడా అందించారు. స్థానిక పార్లమెంటు సభ్యుడు, డివిజనల్ రైలు మేనేజర్ బాలుడి ఇంటికి వెళ్లి మరీ అతన్ని అభినందించారు. ట్రాక్ దెబ్బతిన్న భాగాన్ని మరమ్మతులు చేసి, కార్యకలాపాలను తిరిగి ప్రారంభించినట్లు అధికారులు చెప్పారు.

English summary

A 12-year-old boy saved hundreds of lives. This incident happened in West Bengal. He took off his red T-shirt and signaled to stop the train.