దేశంలో భారీగా తగ్గిన కరోనా కొత్త కేసులు: 2020 ఏప్రిల్ తర్వాత తొలిసారి మహరాష్ట్రలో ఒక్క మరణం లేదు

న్యూఢిల్లీ: భారతదేశంలో కరనా వైరస్ కేసులు భారీగా తగ్గాయి. గత కొద్ది రోజులుగా దేశంలో కోవిడ్ కేసులు క్రమంగా తగ్గుతున్న విషయం తెలిసిందే. బుధవారం నమోదైన ఇన్ఫెక్షన్లతో పోలిస్తే భారత్‌లో కరోనా కేసులు తగ్గుముఖం పట్టాయి. గడిచిన 24 గంటల్లో దేశంలో 6,561 కొత్త కేసులు నమోదయ్యాయి.

కేంద్ర ఆరోగ్య, కుటుంబ సంక్షేమ మంత్రిత్వ శాఖ విడుదల చేసిన డేటా ప్రకారం.. బుధవారం 142 మంది వైరస్ బారినపడి మరణంచారు. , దేశం 14,947 రికవరీలను నమోదు చేసింది.

కొత్త ఇన్ఫెక్షన్‌ల చేరికతో భారతదేశంలో కోవిడ్ కేసుల సంఖ్య 4,29,45,160కి చేరుకోగా, మరణాల సంఖ్య 5,14,388కి చేరుకుంది. ప్రస్తుతం భారతదేశంలో
77,152 యాక్టివ్ కేసులున్నాయి.

మహారాష్ట్ర
మహారాష్ట్రలో బుధవారం 544 కొత్త కోవిడ్-19 కేసులు నమోదయ్యాయి, వీటిలో ఓమిక్రాన్ వేరియంట్ కారణంగా 38 కేసులు నమోదయ్యాయి, మొత్తం ఇన్‌ఫెక్షన్ల సంఖ్య 78,66,924కి చేరుకుంది, అయితే మరణాల సంఖ్య 1,43,706 వద్దకు చేరిందని రాష్ట్ర ఆరోగ్య శాఖ తెలిపింది.

ఏప్రిల్ 2020 తర్వాత మొదటిసారిగా, మహారాష్ట్రలో బుధవారం కరోనావైరస్ సంక్రమణ కారణంగా కొత్త మరణాలు నమోదు కాలేదు. "ఏప్రిల్ 1, 2020 తర్వాత, రాష్ట్రంలో సున్నా మరణాలు నమోదు కావడం ఇదే మొదటిసారి" అని అంటువ్యాధి-పీడిత వ్యాధుల పర్యవేక్షణకు బాధ్యత వహిస్తున్న రాష్ట్ర నిఘా అధికారి డాక్టర్ ప్రదీప్ అవటే తెలిపారు.

పుణె నుంచి 37 ఓమిక్రాన్ కేసులు, ఔరంగాబాద్ నుంచి ఒకటి నమోదైంది, కొత్త వేరియంట్ కారణంగా ఇన్ఫెక్షన్ల సంఖ్య 4,771కి పెరిగింది, అందులో 4,629 మంది ఇప్పటికే డిశ్చార్జ్ అయ్యారు. గత 24 గంటల్లో 1,007 మంది డిశ్చార్జ్ అయ్యారు, రికవరీ సంఖ్య 77,13,575కి చేరుకుంది, రాష్ట్రంలో 5,643 యాక్టివ్ కేసులు ఉన్నాయి.

మరోవైపు 21.8 లక్షల మంది టీకా తీసుకోగా, ఇప్పటి వరకు 178 కోట్లకుపైగా వ్యాక్సిన్ డోసులు పంపిణీ చేశారు. కరోనా వైరస్ కేసులు క్రమంగా తగ్గుతుండటంతో దేశంలోని దాదాపు అన్ని రాష్ట్రాలు ఆంక్షలను ఎత్తివేస్తున్నాయి. ఢిల్లీ, యూపీ, మహారాష్ట్ర, కర్ణాటక సహా పలు రాష్ట్రాలు ఇప్పటి వరకు అమలు చేస్తున్న ఆంక్షలను ఎత్తివేశాయి. అయితే, కరోనా నిబందనలు పాటించాలని, ప్రజలు మాస్కులు ధరించాలని స్పష్టం చేస్తున్నాయి. కాగా, నాలుగో వేవ్ కూడా వచ్చే అవకాశం ఉందని ఆరోగ్య నిపుణులు హెచ్చరిస్తుండటం గమనార్హం.

English summary

India Records 6,561 New covidCases, Zero Death Reported In Maharashtra, First Time Since April 2020