చలికాలంలో చైనాకు తడిసిపోయేలా - యాంటీ రేడియేషన్ మిసైల్ ‘రుద్రం-1’ - డీఆర్డీవో టెస్టు సక్సెస్

Published: Friday, October 9, 2020, 16:41 [IST]

రాబోయే చలికాలంలో పూర్తిస్థాయి యుద్ధానికి సన్నాహాలు చేసుకుంటోన్న చైనాకు ప్యాంటు తడిసిపోయేలా భారత్ అత్యాధునిక ఆయుధ సంపత్తిని సిద్ధంచేసుకుంది. శత్రు దేశాల రాడార్లను మట్టి కరిపించే క్షిపణిని శుక్రవారం విజయవంతంగా పరీక్షించింది. దేశ రక్షణ రంగంలో కీలకమైన ముందడుగుగా భావిస్తోన్న 'రుద్రం-1' క్షిపణికి సంబంధించి రక్షణ పరిశోధన, అభివృద్ధి సంస్థ (డీఆర్‌డీవో) శుక్రవారం కీలక ప్రకటన చేసింది..

యాంటీ రేడియేషన్..

సుఖోయ్-30ఎంకేఐ యుద్ధ విమానాల ద్వారా ప్రయోగించే వీలున్న ‘రుద్రం-1' క్షిపణి... శత్రు దేశాల రాడార్లను, నిఘా వ్యవస్థలను దెబ్బతీయగలదు. ధ్వని వేగం కంటే రెట్టింపు వేగంతో దూసుకెళ్ళగలిగే ఈ అత్యాధునిక విస్సైల్ ను ‘‘వ్యూహాత్మక యాంటీ రేడియేషన్ మిసైల్''గానూ వ్యవహరిస్తున్నారు. 250 కిలోమీటర్ల పరిథిలో రేడియేషన్‌ను వెలువరించే లక్ష్యాన్ని ఛేదిస్తుంది. . రేడియో త‌రంగాల ద్వారా వేర్వేరు ప్రాంతాల్లో ఉన్న రేడార్ల‌ను ఈ మిస్సైల్ గుర్తించ‌గ‌ల‌దు.

సుఖోయ్ యుద్ద విమానాల ద్వారా..

‘రుద్రం-1' మిస్సైల్ ను శుక్రవారం ఉదయం 10.30 గంటలకు విజయవంతంగా పరీక్షించామని, ఒడిశాలోని బాలాసోర్ నుంచి దీనిని ప్రయోగించామని డీఆర్డీవో అధికారికంగా ప్రకటించింది. సుఖోయ్-30ఎంకేఐ యుద్ధ విమానం నుంచి కూడా ప్రయోగించగలిగే ఈ మిసైల్ శత్రు దేశాల రాడార్లను, నిఘా వ్యవస్థలను దెబ్బతీయగలదు.

15కి.మీ ఎత్తు నుంచి కూడా..

న్యూ జనరేషన్ యాంటీ రేడియేషన్ మిస్సైల్ గా పరిగణించే రుద్రం-1.. పరిధి విషయానికొస్తే.. దాన్ని తీసుకెళ్లే యుద్ధ విమానాల ఎత్తును బట్టి ఉంటుంది. అంటే, గరిష్టంగా 15 కిలోమీటర్ల ఎత్తు నుంచి కూడా దీన్ని ప్రయోగించవచ్చన్నమాట. ఈ మిసైల్‌తో శత్రు దేశాల గగనతల రక్షణ వ్యవస్థను దెబ్బతీయగలిగే వీలుంటుంది. ఇటీవ‌ల వ‌రుస‌గా క్షిప‌ణి ప‌రీక్ష‌ల‌ను డీఆర్‌డీవో నిర్వ‌హిస్తున్న విష‌యం తెలిసిందే. కొన్ని రోజుల క్రితమే భార‌త్‌.. స్మార్ట్ టార్పిడో మిస్సైల్‌ను ప‌రీక్షించింది.

Published On October 9, 2020