ఆర్కే స్టూడియో భారీ అగ్ని ప్రమాదం: తప్పిన పెనుముప్పు
మహారాష్ట్ర రాజధాని ముంబైలోని ఆర్కే సినిమా స్టూడియోలో శనివారం మధ్యాహ్నం భారీ అగ్నిప్రమాదం సంభవించింది. ఈ ప్రమాదంలో ఒకటో నంబర్ హాల్ పూర్తిగా దగ్ధమైంది. సమాచారం అందుకున్న అగ్నిమాపక సిబ్బంది ఆరు ఫైరిం
ముంబై: మహారాష్ట్ర రాజధాని ముంబైలోని ఆర్కే సినిమా స్టూడియోలో శనివారం మధ్యాహ్నం భారీ అగ్నిప్రమాదం సంభవించింది. ఈ ప్రమాదంలో ఒకటో నంబర్ హాల్ పూర్తిగా దగ్ధమైంది. సమాచారం అందుకున్న అగ్నిమాపక సిబ్బంది ఆరు ఫైరింజన్ల సాయంతో మంటలను ఆర్పేశారు.
విద్యుదాఘాతంతోనే ప్రమాదం సంభవించినట్లు గుర్తించారు. స్టుడియోలో కొద్దిరోజులుగా విద్యుద్దీకరణ పనులు జరుగుతున్నాయి. ఈ నేపథ్యంలో శనివారం కార్మికులు పనులు చేస్తున్న సమయంలో షార్ట్సర్క్యూట్ సంభవించి ఒక్కసారిగా మంటలు చెలరేగాయి.
#Visuals Fire broke out at Mumbai's RK Studio. 6 fire tenders and 5 water tankers present at the spot. pic.twitter.com/eQc0J5qPiK
— ANI (@ANI) September 16, 2017
ఈ ప్రమాదంలో ఎవరికీ ఎలాంటి గాయాలు కాకపోవడంతో అంతా ఊపిరి పీల్చుకున్నారు. కాగా, ప్రమాదం జరిగిన ప్రాంతానికి సమీపంలోని టీవీ షో 'సూపర్ డ్యాన్సర్' సెట్ ఉంది.
అయితే, శనివారం కావడంతో సెట్ ఖాళీగా ఉంది. దీంతో పెనుప్రమాదం తప్పినట్లయింది. కాగా, ఈ స్టుడియోను బాలీవుడ్ ప్రఖ్యాత నటుడు రాజ్కపూర్ 1948లో స్థాపించగా, ప్రస్తుతం ఆయన కుమారుడు రిషి కపూర్ దాని యజమానిగా కొనసాగుతున్నారు.
Click it and Unblock the Notifications
Sign in with Google