మమతా బెనర్జీ ఆగ్రహం: షాక్ తిన్న దేవెగౌడ, కుమారస్వామి?(వీడియో)

బెంగళూరు: బుధవారం జేడీఎస్ నేత కుమారస్వామి సీఎంగా ప్రమాణస్వీకారం చేసిన నేపథ్యంలో కర్ణాటక విధానసౌద చుట్టుపక్కల ప్రాంతాలు కిక్కిరిసిపోయాయి. కాంగ్రెస్, జేడీఎస్ అభిమానులు, మద్దతుదారులు పెద్ద ఎత్తున ప్రమాణస్వీకార కార్యక్రమానికి హాజరయ్యారు.

జనం కిక్కిరిసిపోవడంతో ట్రాఫిక్ నియంత్రించడం పోలీసులకు కూడా కష్టంగా మారింది. దీంతో బెంగాల్ సీఎం మమతా బెనర్జీకి సైతం ట్రాఫిక్ తిప్పలు లేదు. విధానసౌద మార్గంలో ట్రాఫిక్ స్తంభించిపోవడంతో ప్రమాణస్వీకార కార్యక్రమానికి చేరుకోవడానికి చాలా సమయమే పట్టింది.

ట్రాఫిక్ ని నియంత్రించడంలో పోలీసులు విఫలమవడం మమతకు ఆగ్రహం తెప్పించింది. దీంతో ప్రమాణస్వీకార ప్రాంగణం వద్దకు రాగానే.. కర్ణాటక డీజీపీ నీలమణి రాజుపై ఆమె మండిపడ్డారు. ట్రాఫిక్‌ను కంట్రోల్ చేసే తీరు ఇదేనా అంటూ మండిపడ్డారు. అంతేకాదు, అక్కడినుంచి ముందుకెళ్లి మాజీ ప్రదాని దేవెగౌడ, కుమారస్వామిలను కలిసిన మమతా.. వాళ్ల వద్ద కూడా తన అసంతృప్తిని వ్యక్తం చేశారు.

#WATCH: West Bengal CM Mamata Banerjee reprimands DIG Neelamani Raju as she came to Karnataka Vidhana Soudha for oath taking ceremony because reportedly had to walk a few metres, also expressed discontentment to HD Deve Gowda & HD Kumaraswamy. #Bengaluru pic.twitter.com/WZ2n0QVE9b

— ANI (@ANI) May 23, 2018

మమతా బెనర్జీ ఆగ్రహాన్ని చూసి దేవెగౌడ, కుమారస్వామిలు సైతం షాక్ అవక తప్పలేదు. మమతా డీజీపీపై మండిపడిన వీడియో ఇప్పుడు సోషల్ మీడియాలో వైరల్ అయింది.

English summary

While the oath-taking ceremony of Janata Dal (Secular)'s H.D. Kumaraswamy was a display of the Opposition's unity, sources suggest that West Bengal Chief Minister Mamata Banerjee was not entirely happy with the traffic arrangements made for the big day.