సోదరిని చంపి పోలీసులకు అతను ఫోన్ చేశాడు

న్యూఢిల్లీ: ముప్పయి యేళ్ల మహిళను ఆమె సోదరుడే హత్య చేశాడు. బుధవారంనాడు ఈ సంఘటన చోటు చేసుకుంది. సోదరిని చంపిన తర్వాత అతను పోలీసులకు ఫోన్ చేసి విషయం చెప్పాడు. తానే నేరం చేశానని చెప్పాడు.

జ్యోతి అనే 30 ఏళ్ల మహిళను 27 ఏళ్ల వయస్సు గల ఆమె సోదరుడు మొహిందర్ దక్షిణ ఢిల్లీలోని ఆర్‌కె పురం ప్రాంతంలో కత్తితో పొడిచి చంపేశాడు. బుధవారం తెల్లవారు జామున 3 గంటల ప్రాంతంలో ఆర్కె పురంలోని మూడో సెక్టార్‌లో ఈ సంఘటన జరిగింది.

మొహిందర్‌కు ఉద్యోగం లేదని, సంఘటనను అతనే తమకు తెలియజేశాడని పోలీసులు చెప్పారు. మొహిందర్ శరీరంపై కూడా కొన్ని గాయాలు కనిపించాయి. దాంతో అతన్ని సమీపంలోని ఆస్పత్రికి తీసుకుని వెళ్లారు.

ప్రాథమిక చికిత్స చేయించిన తర్వాత మొహిందర్‌ను పోలీసుల కస్టడీలోకి తీసుకున్నారు. ఆస్తి తగాదాలు ఈ హత్యకు కారణమైన ఉండవచ్చునని అనుమానిస్తున్నారు.

English summary

A 30-year-old woman was stabbed to death here Wednesday by her brother who himself called up the police to report the crime.