Manipur elections: తొలిదశలో బరిలో ఉన్న 173మంది అభ్యర్థుల్లో దాదాపు 21శాతం మందిపై క్రిమినల్ కేసులు

మణిపూర్ అసెంబ్లీ ఎన్నికల నేపథ్యంలో అధికార ప్రతిపక్ష పార్టీల మధ్య హోరాహోరీగా పోరు సాగుతోంది. మణిపూర్ అసెంబ్లీ ఎన్నికల తొలి దశ పోలింగ్ ఫిబ్రవరి 27వ తేదీన జరగాల్సి ఉండగా తేదీని మార్చి ఎన్నికల సంఘం అధికారులు ఫిబ్రవరి 28వ తేదీన పోలింగ్ జరగనున్నట్టు పేర్కొని తొలి విడత ఎన్నికల పోలింగ్ ను రీషెడ్యూల్ చేశారు. మొత్తం మణిపూర్ లో 38 నియోజకవర్గాలలో మొదటి విడత ఎన్నికల పోలింగ్ జరగనుంది. 22 నియోజకవర్గాలలో రెండో దశ ఎన్నికల పోలింగ్ మార్చి 5వ తేదీన జరగనుండగా, మార్చి 10వ తేదీన ఓట్ల లెక్కింపు జరగనుంది.

173 మంది అభ్యర్థుల్లో దాదాపు 21 శాతం మందిపై క్రిమినల్ కేసులు

మణిపూర్ అసెంబ్లీ ఎన్నికల నేపథ్యంలో తాజాగా అసోసియేషన్ ఫర్ డెమోక్రటిక్ రిఫార్మ్స్ (ఏడీఆర్) ఎన్నికల్లో పోటీ చేసిన అభ్యర్థుల అఫిడవిట్లను పరిశీలించి అభ్యర్థుల విషయంలో విశ్లేషణ అందించింది. తొలి దశలో పోటీ చేస్తున్న 173 మంది అభ్యర్థుల్లో దాదాపు 21 శాతం మందిపై క్రిమినల్ కేసులు ఉన్నాయి. దాదాపు 16 శాతం మందిపై తీవ్రమైన క్రిమినల్ కేసులు ఉన్నాయని అసోసియేషన్ ఫర్ డెమోక్రటిక్ రిఫార్మ్స్ (ఏడీఆర్) విశ్లేషణాత్మక నివేదికలు శుక్రవారం వెల్లడించాయి.

పార్టీల వారీగా క్రిమినల్ కేసులు ఉన్నవారి డేటా ఇదే

ప్రధాన రాజకీయ పార్టీలలో, క్రిమినల్ కేసులు ఉన్న వారి డేటా చూస్తే అధికార బిజెపికి చెందిన 38 మంది అభ్యర్థులలో 11 మంది అంటే మొత్తం 29 శాతం మందిపై క్రిమినల్ కేసులు ఉన్నాయని విశ్లేషణ పేర్కొంది. కాంగ్రెస్‌కు చెందిన 35 మంది అభ్యర్థులలో 8 మంది అంటే మొత్తం అభ్యర్థుల 23 శాతం అభ్యర్థులపై క్రిమినల్ కేసులున్నాయి.

28 మంది అభ్యర్థులలో ఏడుగురు అంటే మొత్తం 25 శాతం జనతాదళ్ యునైటెడ్ అభ్యర్థులపై క్రిమినల్ కేసులు ఉన్నాయి . 27 మంది అభ్యర్థులలో ముగ్గురు అంటే మొత్తం 11 శాతం మంది నేషనల్ పీపుల్స్ పార్టీ (ఎన్‌పిపి)కి చెందిన అభ్యర్థులు పై క్రిమినల్ కేసులు ఉన్నట్టు ఏ డి ఆర్ విశ్లేషణ పేర్కొంది.

వయస్సుల వారీగా అభ్యర్థుల డేటా ఇదే

ఇదిలా ఉంటే 2017లో మణిపూర్‌లో బీజేపీ అధికారంలోకి రావడానికి సహకరించిన నాగా పీపుల్స్ ఫ్రంట్ (NPF) ఈసారి ఎన్నికల్లో పోటీ చేస్తోంది. ఎన్‌పీఎఫ్ 10 స్థానాల్లో పోటీ చేస్తుంది. ఈ ఎన్నికలలో పోటీ చేస్తున్న మొత్తం 23 మంది మొత్తం 13 శాతం అభ్యర్థులు తమ వయస్సు 25 నుండి 40 సంవత్సరాల మధ్య ఉండగా, 115 మంది అభ్యర్థులు 66 శాతం మంది తమ వయస్సు 41 నుండి 60 సంవత్సరాల మధ్య ఉన్నట్లు ప్రకటించారు. మొదటి దశ అసెంబ్లీ ఎన్నికల్లో పోటీ చేస్తున్న 173 మంది అభ్యర్థుల్లో 15 మంది (9 శాతం) మహిళా అభ్యర్థులు ఎన్నికల పోరులో బరిలో ఉన్నారు.

English summary

Manipur elections first phase, Of the 173 candidates almost 21 per cent had criminal cases, according to an ADR analysis. ADR revealed that nearly 16 percent have serious criminal cases.