మోడీ వ్యతిరేక ఎంఎంఎస్: ఎంబిఎ విద్యార్థి అరెస్టు

బెంగళూర్: నరేంద్ర మోడీకి వ్యతిరేకంగా ఎంఎంఎస్‌ను పంపిణీ చేశాడనే ఆరోపణపై పోలీసులు ఓ ఎంబిఎ విద్యార్థిని అరెస్టు చేశారు. సయీద్ వాఖాస్ అనే 24 ఏళ్ల విద్యార్థితో పాటు మరో నలుగురిని వసంత్‌నగర్‌లో స్థానిక సైబర్ పోలీసులు అదుపులోకి తీసుకున్నారు.

విచారించిన తర్వాత నలుగురిని పోలీసులు విడుదల చేశారు. సయీద్‌ను మాత్రం ఐటి చట్టం కింద అరెస్టు చేశారు. ఎప్పుడు అతన్ని అరెస్టు చేశారనే విషయాన్ని మాత్రం పోలీసులు వెల్లడించడం లేదు. సయీద్ ఉత్తర కన్నడ జిల్లాలోని భత్కల్ కాలేజీలో చదువుతున్నాడు.

అతను ఇతర విద్యార్థులతో కలిసి వసంత్‌నగర్‌లో అద్దెకు ఉంటున్నాడు. అతని మొబైల్ నెంబర్‌ను పోలీసులు కనిపెట్టారు. ఆర్‌టిఐ కార్యకర్త జయంత్ తినైకర్ పోలీసులకు ఎంఎంఎస్ పంపిణీపై ఫిర్యాదు చేశారు. ఈ ఫిర్యాదు పోలీసులకు మే 16వ తేదీన అందింది.

పేస్‌బుక్‌లో నరేంద్ర మోడీపై గోవాలో ఓ వ్యక్తి అసభ్యకరమైన వ్యాఖ్యలు పోస్టు చేసిన రెండు రోజుల తర్వాత ఈ సంఘటన చోటు చేసుకుంది.

English summary

An MBA student has been arrested in Bangalore for allegedly sending an anti-Modi MMS.Sayed Waqas, 24, was picked up along with four students at Vasantnagar area after the local cyber police found they have been circulating an anti-Modi MMS.