మోడీ 2.0 : 58 మందితో మంత్రివర్గం, క్యాబినెట్‌కు సంబంధించిన సమగ్ర సమాచారం

న్యూఢిల్లీ : 130 కోట్ల మంది జనం, 90 ఓట్ల మంది ఓటర్లు పట్టకట్టడంతో .. మరికొన్ని గంటల్లో నరేంద్ర మోడీ ప్రధానిగా పట్టాభిషిక్తుడు కాబోతున్నారు. మోడీతో సహా మొత్తం 60 మంది కేంద్రమంత్రులుగా ప్రమాణం చేయనున్నారు. వీరిలో దాదాపు 10 బెర్తులు తమ భాగస్వామ్యపక్షాలకు కేటాయించినట్టు విశ్వసనీయంగా తెలిసింది. సాధారణంగా రాష్ట్రపతి భవన్‌లోని దర్బార్ హాల్‌లో ప్రమాణ స్వీకారం ఉంటుంది. కానీ ఈసారి భవన్ ఎదురుగా గల బహిరంగ ప్రాంతంలో నిర్వహిస్తున్నారు. ఇదివరకు చంద్రశేఖర్ ప్రధానిగా కూడా ఇదేవిధంగా ఆరుబయట ప్రమాణ స్వీకారం చేశారు. ఇందుకోసం ఇప్పటికే ఏర్పాట్లు పూర్తిచేశారు.

7 గంటలకు ముహూర్తం ..
సరిగ్గా రాత్రి 7 గంటలకు ప్రధానిగా నరేంద్ర మోడీ అనే నేను అని ప్రమాణం చేస్తారు. ఈ మహోత్సవానికి మారిషస్ ప్రధాని ప్రమింద్ కుమార్ జగన్నాథ్, కిర్గిజ్ అధ్యక్షుడు సూరోన్ బే జీన్ బెకోస్, బంగ్లాదేశ్ అధ్యక్షుడు అబ్దుల్ హమీద్, శ్రీలంక అధ్యక్షుడు మైత్రీపా సిరిసేన, నేపాల్ ప్రధాని కేపీ శర్మ, మయన్యార్ అధ్యక్షుడు యు విన్ మైంట్, భూటాన్ ప్రధాని లోటయ్ సెరింగ్ హాజరుకానున్నారు. యూపీఏ చైర్ పర్సన్ సోనియాగాంధీ, రాహుల్ గాంధీ, ప్రధాని మన్మోహన్ సింగ్ సహా 8 వేల మంది అతిథులు హాజరుకానున్నారు. ప్రమాణ స్వీకారం షెడ్యూల్ ప్రకారం 8.30 గంటలకు ముగుస్తోంది. రాత్రి 9 గంటలకు 40 మంది అతిథులకు రాష్ట్రపతి రామ్ నాథ్ కోవింద్ విందు ఇస్తారు. ఇందుకోసం దాల్ రైసానా అనే వంటకాన్ని కూడా తయారుచేశారు. ఇది వండానికి దాదాపు 48 గంటల సమయం పట్టడంతో ... ఆ పని మంగళవారమే ప్రారంభించారు.

English summary

Narendra Modi will be the Prime Minister in a few hours. A total of 60 Union Ministers, including Modi, will be sworn in. Of these, about 10 berths were credited to their allies.