ఢిల్లీ-దర్భంగా ఎక్స్ ప్రెస్ లో మంటలు-తగులబడిన బోగీలు- ప్రయాణికులకు..

ఢిల్లీ నుంచి బీహార్ లోని దర్బంగాకు వెళ్తున్న సూపర్ ఫాస్ట్ ఎక్స్ ప్రెస్ లో అకస్మాత్తుగా మంటలు చెలరేగాయి. తొలుత ఓ బోగీలో చెలరేగిన మంటలు.. ఆ తర్వాత రైలు వేగంగా ప్రయాణిస్తున్న క్రమంలో మిగతా బోగీలకు కూడా వ్యాపించాయి. మొత్తం మూడు బోగీలకు మంటలు వ్యాపించడంతో ప్రయాణికులు భయంతో కేకలు వేశారు. చివరకు ట్రైన్ ను నిలిపివేశారు. ఈ ప్రమాదంతో ఢిల్లీ నుంచి బీహార్ బయలుదేరిన పలువురు ప్రయాణికులు షాక్ అయ్యారు.

Fire broke out in coach S-1 of train number – 02570 (Humsafar Express) going from New Delhi to Darbhanga near Sarai Bhupat railway station in Etawah. Rail traffic stopped!! pic.twitter.com/5XzfISlStK

— Ravi Chaturvedi (@Ravi4Bharat) November 15, 2023

న్యూ ఢిల్లీ-దర్భంగా సూపర్‌ఫాస్ట్ ఎక్స్‌ప్రెస్‌ యూపీలోని ఇటావాకు చేరుకున్న క్రమంలో మంటలు చెలరేగాయి. దీంతో ఎక్స్ ప్రెస్ రైలులో మూడు కోచ్‌లు దగ్దమయ్యాయి. అగ్నిప్రమాదంలో ప్రయాణికులు కొందరికి స్వల్ప గాయాలైనట్లు అధికారులు తెలిపారు. అధికారులు అందించిన వివరాల ప్రకారం ఈ రైలు సరాయ్ భూపత్ స్టేషన్ గూండా వెళుతున్నప్పుడు, స్లీపర్ కోచ్‌లో పొగలు రావడాన్ని స్టేషన్ మాస్టర్ గమనించారు. దీంతో వెంటనే రైలు డ్రైవర్‌, గార్డులకు సమాచారం అందించి రైలును నిలిపివేశారు. అనంతరం స్లీపర్‌ కోచ్‌ నుంచి ప్రయాణికులను బయటకు రప్పించారు.

Fire broke out in coach S-1 of train number – 02570 (Humsafar Express) going from New Delhi to Darbhanga near Sarai Bhupat railway station in Etawah. Rail traffic stopped!! pic.twitter.com/5XzfISlStK

— Ravi Chaturvedi (@Ravi4Bharat) November 15, 2023

మరోవైపు దర్భంగా రైలులో మంటలు అంటుకున్న వెంటనే పలువురు ప్రయాణికులు రైలు నుంచి దూకేశారని అధికారులు తెలిపారు. రైలులో దాని సామర్థ్యం కంటే ఎక్కువ మంది ప్రయాణికులు ఉన్నట్లు కూడా తెలుస్తోంది. అయితే అగ్నిప్రమాదం యాదృచ్ఛికమా లేక విద్రోహ చర్యా అన్నది ఇంకా తేలాల్సి ఉంది. అయితే ఎస్ 1 బోగీలో షార్ట్ సర్క్యూట్ వల్లే మంటలు చెలరేగినట్లు ప్రాధమిక ఆధారాలను బట్టి తెలుస్తోంది. అధికారులు ఘటనపై దర్యాప్తు చేస్తున్నారు.

English summary

new delhi-darbhanga super fast express today caught on fire and several passengers were joined hospital with minor injuries.