స్టేషన్‌లోకి దూసుకొచ్చిన గూడ్స్ రైలు: ముగ్గురు మృతి, బోగీల కింద పలువురు

భువనేశ్వర్: ఒడిశా రాష్ట్రంలోని జాజ్‌పూర్ జిల్లా కొరాయి రైల్వే స్టేషన్‌లో ఘోర ప్రమాదం జరిగింది. ఓ గూడ్స్ రైలు అ దుపుతప్పి ఫ్లాట్‌ఫాం మీదకు దూసుకొచ్చింది. దీంతో 10 బోగీలు బోల్తా పడ్డాయి. ఈ ప్రమాదంలో ముగ్గురు ప్రయాణికులు బోగీల కిందపడి మరణించారు.

ప్రయాణికులు నిరీక్షించే గది సమీపంలో ఈ ప్రమాదం చోటు చేసుకోవడంతో రైలు బోగీల కింద మరికొంతమంది ఉండవచ్చని అధికారులు అంచనా వేస్తున్నారు. ఈ ప్రమాదంతో రైల్వే స్టేషన్ కూడా దెబ్బతింది.

ఘటనా స్థలంలో సహాయక బృందాలు సహాయక చర్యలను ముమ్మరంగా చేపట్టాయి. గాయపడిన పలువురిని సమీపంలోని ఆస్పత్రులకు తరలిస్తున్నారు.

Odisha CM Naveen Patnaik conveys his deep sympathy to the bereaved families and announces ex-gratia of Rs 2 lakhs each to next of kin of the victims of Korai goods train derailment. He has directed the admin to expedite rescue op & provide adequate treatment for the injured: CMO pic.twitter.com/YhGHRE3MCZ

— ANI (@ANI) November 21, 2022

ఈ ప్రమాదం కారణంగా ఆ మార్గంలో వెళ్లే పలు రైల్లు తాత్కాలికంగా రద్దయ్యాయి. మరోవైపు, ఈ ప్రమాదం కారణంగా రైల్వే స్టేషన్లో ఉన్న ఫుట్ ఓవర్ బ్రిడ్జి కూడా కొంత భాగం కూలిపోయింది.

రైలు ప్రమాద ఘటనపై ఒడిశా సీఎం నవీన్ పట్నాయక్ తీవ్ర దిగ్భ్రాంతి వ్యక్తం చేశారు. మరణించినవారి కుటుంబాలకు సానుభూతి తెలిపారు. మృతుల కుటుంబాలకు రూ. 2 లక్షల చొప్పున ఎక్స్ గ్రేషియా ప్రకటించారు. సహాయక చర్యలు ముమ్మరం చేయాలని, క్షతగాత్రులకు మెరుగైన వైద్యం అందించాలని అధికారులను సీఎం ఆదేశించారు.

English summary

Odisha: Goods train derails at Korai Railway Station; at least 3 killed.