భారత్‌లో ఉద్యోగం లేకుండా 30శాతం మంది యువత, దానికి రివర్స్

15-29 ఏళ్ల మధ్య వయస్కులు 30 శాతానికి పైగా ఇటు ఉద్యోగం లేదా అటు చదువు లేక ఖాళీగా ఉన్నారని ఆర్గనైజేషన్ ఫర్ ఎకనామిక్ కోఆపరేషన్ అండ్ డెవలప్‌మెంట్ (ఓఈసీడీ) నివేదిక తెలిపింది.

న్యూఢిల్లీ: 15-29 ఏళ్ల మధ్య వయస్కులు 30 శాతానికి పైగా ఇటు ఉద్యోగం లేదా అటు చదువు లేక ఖాళీగా ఉన్నారని ఆర్గనైజేషన్ ఫర్ ఎకనామిక్ కోఆపరేషన్ అండ్ డెవలప్‌మెంట్ (ఓఈసీడీ) నివేదిక తెలిపింది.

పైన చెప్పిన వయస్సు మధ్య ఉన్న యువతలో ముప్పై శాతానికి పైగా ఉద్యోగం, చదువే కాదు.. ఏ శిక్షణలోను లేరని ఆ సర్వే తెలిపింది.

ప్రపంచంలోనే అతి ఎక్కువ జనాభా కలిగిన చైనా కంటే మన యువత చదువు, ఉద్యోగం లేకుండా ఉన్న వారు మూడు రెట్లు ఉన్నారు. మరో 35 రాష్ట్రాల కంటే రెండింతలుగా ఉంది.

చైనా యువతలో 11.22 శాతం మంది చదువు, ఉద్యోగం లేకుండా ఉండగా, భారత దేశంలో అక్షరాలా 30.83 శాతంగా ఉంది.

ఉద్యోగం, చదువు, ట్రెయినింగ్ లేకుండా 15-29 ఏళ్ల మధ్య వయస్సు గల యువత చైనాలో 11.22 శాతం, రష్యన్ ఫెడరేషన్‌లో 14.04, బ్రెజిల్‌లో 19.96, అర్జెంటీనాలో 20.30, కొలంబియాలో 20.62, ఇండోనేషియా 23.24, భారత్‌లో 30.83, సౌతాఫ్రికాలో 36.65గా ఉంది.

మిగతా దేశాల కంటే భారత్ ఆర్థిక వృద్ధి రేటు రెండింతలు వేగంగా కనిపిస్తోంది. అదే సమయంలో ఉద్యోగాల సృష్టిలో మాత్రం అందుకు విరుద్ధంగా ఉంది. ఓఈసీడీ ప్రకారం ఇండియా వృద్ధి రేటు ఏడు శాతంగా ఉంది. కానీ ఉద్యోగాలు మాత్రం అలా లేవు.

English summary

Over 30% of India's youth aged between 15-29 years are not in employment, education or training, according to an Organisation for Economic Cooperation and Development (OECD) report. This rate is almost three times China's and more than double the OECD average of 35 countries. "Indian Labour laws are complex and stricter than other emerging economies," the report said.