మహిళా ఉద్యోగికి పోలీసు అధికారి అసభ్యకర సందేశాలు

ఒడిశా: ఒడిశా రాష్ట్రంలో ఓ పోలీసు అధికారి మహిళా ఉద్యోగినికి అసభ్యకర సందేశాలు పంపించిన సంఘటన వెలుగులోకి వచ్చింది. ఈ సంఘటన ఒడిశాలోని కేంద్రపర జిల్లాలోని పోలీస్ స్టేషన్‌లో జరిగింది. ఈ ఆరోపణల పైన ఓ స్పెషల్ సెల్ టీంను ఏర్పాటు చేశామని, వాటిని నిర్ధారించుకుంటామని సబ్ డివిజనల్ పోలీసు అధికారి నృసింహ చరణ్ చెప్పారు.

2013లో చట్టం వచ్చాక మహిళ పట్ల లైంగిక వేధింపుల కేసుకు సంబంధించి విచారణ జరపడం ఈ పోలీసు స్టేషన్ పరిధిలో ఇదే మొదటిది! నిర్భయ చట్టం వచ్చాక ఈ పోలీసు స్టేషన్ పరిధిలో ఇప్పటి వరకు ఎలాంటి కేసు నమోదు కాలేదని సమాచారం.

ఇదిలా ఉండగా.. బాధిత మహిళా ఉద్యోగి ఫిర్యాదు మేరకు పోలీసులు కేసు నమోదు చేసుకున్నారు. మహిళా పోలీసు ఇన్స్‌పెక్టర్ ఆధ్వర్యంలో విచారణ చేస్తున్నారు. వీరు పూర్తి నివేదిక ఇచ్చాక తదుపరి చర్యలు తీసుకుంటారు.

కాగా, సదరు పోలీసు అధికారి బాధిత మహిళా ఉద్యోగురాలికి అసభ్యకర సందేశాలు పంపించారు. నిందితుడు, బాధిత ఉద్యోగస్తురాలు ఇద్దరు కూడా కేంద్రపర పోలీసు స్టేషన్‌లోనే విధులు నిర్వర్తిస్తున్నారు.

English summary

A senior police officer of a police station in Odisha's Kendrapara district has been accused of sending lewd SMS to a woman staff.