మణిపూర్‌ ప్రజల ఆదేశాన్ని బీజేపీ గౌరవించలేదు: బీజేపీపై ప్రియాంకాగాంధీ దాడి

Updated: Wednesday, February 16, 2022, 18:04 [IST]

కాంగ్రెస్ ప్రధాన కార్యదర్శి ప్రియాంక గాంధీ మణిపూర్‌లో బిజెపిపై విరుచుకుపడ్డారు. రాష్ట్ర అధికార పార్టీ ప్రజల ఆదేశాన్ని అగౌరవపరిచిందని ఆమె ఆరోపించారు. కాంగ్రెస్ ఆవిర్భవించిన రాష్ట్రంలో ప్రభుత్వాన్ని ఏర్పాటు చేయడానికి బెదిరింపులను, ప్రలోభాలను ఒక సాధనంగా ఉపయోగించుకుందని బీజేపీపై విరుచుకుపడ్డారు.

మణిపూర్ లో అభివృద్ధికి పెద్ద పీట వేస్తామన్న ప్రియాంకా గాంధీ

మణిపూర్ లో అభివృద్ధి కి పెద్ద పీట వేస్తామని వాగ్దానం చేసిన ప్రియాంకా గాంధీ , రాష్ట్రంలో మరిన్ని ఉద్యోగాలు సృష్టించబడతాయని, పర్యాటక రంగం పూర్తిగా ఉపయోగించబడుతుందని అన్నారు. ఇంఫాల్‌లో ఆన్‌లైన్‌లో ఎన్నికల ర్యాలీలో ప్రసంగించిన ప్రియాంకా గాంధీ, మిలిటెన్సీ ప్రభావిత రాష్ట్రంలోని ప్రజలందరి పౌర హక్కులు మరియు ప్రజాస్వామ్య హక్కులను పరిరక్షిస్తామని హామీ ఇచ్చారు.

కాంగ్రెస్ కు రావాల్సిన అధికారం బీజేపీకి

మీరు కాంగ్రెస్ పార్టీని ఎన్నుకున్నారు కానీ వేరే ప్రభుత్వం వచ్చింది అని ప్రియాంకా గాంధీ పేర్కొన్నారు.2017 రాష్ట్ర ఎన్నికలలో 60 మంది సభ్యుల సభలో కాంగ్రెస్ లేదా బిజెపికి మెజారిటీ లేని హంగ్ అసెంబ్లీ ఏర్పడిన విషయం తెలిసిందే .28 మంది ఎమ్మెల్యేలతో కాంగ్రెస్ మ్యాజిక్ 31 సీట్ల మార్కుకు చేరువగా వచ్చినప్పటికీ, కాన్రాడ్ సంగ్మాకు చెందిన ఎన్‌పిపి, నాగా పీపుల్స్ ఫ్రంట్ వంటి చిన్న పార్టీలతో పాటు మరికొన్ని ఇతర పార్టీల సహకారంతో బిజెపి అధికారం కైవసం చేసుకుంది.

బెదిరింపులు, ప్రలోభాలే కారణం అన్న ప్రియాంకా గాంధీ

అధికారంలోకి వచ్చే మార్గం ప్రాథమికంగా తప్పు అని పేర్కొన్న ప్రియాంకా గాంధీ ఒత్తిడి వ్యూహాలు, బెదిరింపులు మరియు ప్రలోభాలతో కూడిన ప్రభుత్వం యొక్క చర్యలు ఏమిటి? అని ప్రశ్నించారు. 2017 ఎన్నికల ఆదేశాన్ని అగౌరవపరచడం కొనసాగుతుంది అని అలాంటి పరిస్థితి మళ్ళీ కలగకుండా ప్రజలు ఓటు వెయ్యాలని పేర్కొన్నారు. ఈశాన్య రాష్ట్రాల మాదిరిగానే మణిపూర్‌ను కూడా బీజేపీ నిర్లక్ష్యం చేస్తోందని ప్రియాంకా గాంధీ ఆరోపించారు.

అధికారంలోకి వస్తే నిరుద్యోగ భృతి, మహిళలకు ఉచిత రవాణా

మణిపూర్ ప్రజల సంప్రదాయాలు, ఆచారాలు మరియు జీవన విధానాన్ని పూర్తిగా గౌరవించాలని ఆమె పేర్కొన్నారు. కాంగ్రెస్ నాయకురాలు రాష్ట్రంలోని యువతకు నిరుద్యోగ భృతి ఇస్తామని, తన పార్టీ అధికారంలోకి వస్తే, మహిళలకు ఉచిత ప్రజా రవాణాతో పాటు ఆరోగ్య సంరక్షణ హక్కును హామీ ఇచ్చే చట్టాన్ని కూడా తీసుకువస్తామన్నారు.

రక్షిత త్రాగునీరు.. అన్ని రకాల పంటలు పండించేలా చర్యలు

అనేక రకాల పంటలు పండించేలా చర్యలు తీసుకుంటామని, సురక్షితమైన తాగునీరు అందుబాటులో ఉంచుతామని ఆమె తెలిపారు. రాష్ట్రంలోని వెదురు పరిశ్రమ, ఔషధ మరియు సుగంధ మొక్కలను ప్రోత్సహిస్తామని, జలవిద్యుత్ సామర్థ్యాన్ని వినియోగించుకుంటామని ప్రియాంకా గాంధీ చెప్పారు. రాష్ట్రంలో ఉద్యోగాలు వచ్చినప్పుడు ప్రజలు జీవనోపాధి కోసం వేరే ప్రాంతాలకు వలస వెళ్లాల్సిన అవసరం లేదని ఆమె అన్నారు. కోవిడ్ సంక్షోభాన్ని నిర్వహించడంపై ఎన్ బీరెన్ సింగ్ ప్రభుత్వంపై ఆమె దాడి చేశారు. తక్కువ జనాభా ఉన్నప్పటికీ మణిపూర్‌లో అధిక మరణాల సంఖ్య నమోదైందని ప్రియాంకా గాంధీ పేర్కొన్నారు.