జిఎస్టీ అంటే గబ్బర్ సింగ్ ట్యాక్స్: రాహుల్ గాంధీ విమర్శలు

జిఎస్టీ అంటే గుడ్ అండ్ సింపుల్ ట్యాక్స్ అని ప్రధాని నరేంద్ర మోడీ భాష్యం చెబితే, ఏఐసీసీ ఉపాధ్యక్షులు రాహుల్ గాంధీ మరో రకంగా చెప్పారు.

అహ్మదాబాద్: జిఎస్టీ అంటే గుడ్ అండ్ సింపుల్ ట్యాక్స్ అని ప్రధాని నరేంద్ర మోడీ భాష్యం చెబితే, ఏఐసీసీ ఉపాధ్యక్షులు రాహుల్ గాంధీ మరో రకంగా చెప్పారు.

జీఎస్టీ అంటే గబ్బర్‌ సింగ్‌ టాక్స్ అని చుర‌క‌లంటించారు. గుజరాత్‌లో ఎన్నికల నేపథ్యంలో రాహుల్ ప‌ర్య‌టిస్తున్నారు. ఈ సందర్భంగా బ‌హిరంగ స‌భ‌లో రాహుల్ గాంధీ మాట్లాడారు.

ప్ర‌ధాని మోడీ చేసిన‌ నోట్ల రద్దు దారుణంగా విఫలమైందన్నారు. మ‌రోవైపు మేకిన్‌ ఇండియా కూడా విఫలమైందన్నారు. అలాగే బీజేపీ అధ్యక్షుడు అమిత్‌షా కుమారుడు జయ్‌షాపై ఓ వార్తా వెబ్‌సైట్ ప్ర‌చురించిన అక్ర‌మాస్తుల ఆరోప‌ణ కథనంపై స్పందించారు.

బిజెపి సామాన్యులకు చదువును అంద‌కుండా చేసిందన్నారు. ఎందుకంటే క‌ళాశాల‌ల‌ను, యూనివర్సిటీలను ప్ర‌భుత్వం పారిశ్రామికవేత్తల చేతిలో పెట్టింద‌న్నారు. గుజ‌రాత్‌ ఎన్నికల తేదీలను ప్రకటించాలని రాహుల్‌ ఈసీని డిమాండ్‌ చేశారు.

English summary

Congress vice-president today visited Gandhinagar in poll-bound Gujarat and addressed a rally where he was joined by OBC leader Alpesh Thakor. Throughout the day, there was confusion regarding Rahul's meeting with Hardik Patel with latest reports claiming that the Patidar leader will meet Congress leader during his next visit to the state from November 1-3.