ఆర్ కే నగర్ లో హవాల సోమ్ము: రూ. 20 నోట్లు అడ్వాన్, రాత్రికి రూ. 6 వేలు, అరెస్టు!
చెన్నై: తమిళనాడు దివంగత ముఖ్యమంత్రి జయలలిత ప్రాతినిధ్యం వహించిన ఆర్ కే నగర్ ఉప ఎన్నికల్లో హవాలా పద్దతిలో నగదు పంపిణి చేస్తున్నారని, అడ్వాన్స్ గా రూ. 20 నోట్లు ఇచ్చి రాత్రికి రూ. 4 వేల నుంచి రూ. 6 వేల వరకూ పంపిణి చెయ్యడానకి సిద్దం అయ్యారని అక్కడ పోటీ చేస్తున్న బీజేపీ అభ్యర్థి కరు నాగరాజన్ ఎన్నికల కమిషన్ అధికారులు, పోలీసులకు ఫిర్యాదు చేశారు.
Recommended Video
ఆర్ కే నగర్ పోలింగ్
గురువారం ఆర్ కే నగర్ శాసన సభ నియోజక వర్గంలో ఉప ఎన్నికల పోలింగ్ జరుగింది. అన్నాడీఎంకే పార్టీ అభ్యర్థి మధుసూదనన్, డీఎంకే పార్టీ అభ్యర్థి మరదు గణేష్, అన్నాడీఎంకే పార్టీ రెబల్ అభ్యర్థి టీటీవీ దినకరన్, బీజేపీ అభ్యర్థి కరు నాగరాజన్ పలు పోలింగ్ కేంద్రాలు పరిశీలించారు.
రూ. 20 నోట్ల పంపిణి
శాసన సభ, లోక్ సభ ఎన్నికల సందర్బంగా కనీసం రూ. 500 నుంచి కొన్ని వేలరూపాయలు ఓటర్లకు పంపిణి చేసిన వేసిన విషయాలు మనం అనేకసార్లు చూసి ఉంటాము. అయితే విచిత్రంగా ఆర్ కే నగర్ లో రూ. 20 నోట్లను ఓటర్లకు పంపిణి చేశారు.
పసిగట్టిన బీజేపీ
గురువారం ఓ వైపు పోలింగ్ జరుగుతుంటే మరో వైపు కొందరు ఓటర్లకు రూ. 20 నోట్లు పంపిణి చేస్తున్నారు. రూ. 20 నోట్ల మీద కొన్ని రహస్య గుర్తులు పెట్టారు. అదే సందర్బంలో రూ. 20 నోట్లు పొరపాటున కొందరు బీజేపీ కార్యకర్తలకు ఇచ్చి మేము సూచించిన వ్యక్తికి ఓటు వెయ్యాలని చెప్పారు.
15 మంది అరెస్టు
ఆర్ కే నగర్ శాసన సభ నియోజక వర్గంలో ఓటర్లకు రూ. 20 నోట్లు పంచిపెడుతున్న 15 మందిని పోలీసులు అరెస్టు చేశారు. ఓటర్లకు రూ. 20 నోట్లు మాత్రమే పంచిపెట్టడం వెనుక ఉన్న అసలు రహస్యం ఏమిటని పోలీసులు ఆరా తీస్తున్నారు.
హవాల పద్దతి, బీజేపీ !
ఓటర్లకు భారీ మొత్తంలో నగదు పంపిణి చేస్తే అనుమానం వస్తోందని టీటీవీ దినకరన్ హవాల పద్దతి ఎంచుకుని ఓటర్లకు వల వేస్తున్నారని ఆర్ కే నగర్ లో పోటీ చేస్తున్న కరు నాగరాజన్ ఆరోపించారు. కుక్కర్ కంపెనీ నాయకుడు టీటీవీ దినకరన్ ఈ ప్లాన్ వేశారని నాగరాజన్ పోలీసులకు ఫిర్యాదు చేశారు.
రాత్రి రూ. వేలల్లో గోల్ మాల్
రూ. 20 తీసుకున్న ఓటర్లకు రాత్రి వాటిని వెనక్కి తీసుకుని రూ. 4 వేల నుంచి రూ. 6 వేల వరకు ఇవ్వడానికి టీటీవీ దినకరన్ ముందుగానే ఒప్పందం చేసుకున్నాడని కరు నాగరాజన్ ఆరోపించారు. టీటీవీ దినకరన్ మీద కఠిన చర్యలు తీసుకోవాలని ఎన్నికల కమిషన్, పోలీసులకు ఫిర్యాదు చేశానని కరు నాగరాజన్ మీడియాకు చెప్పారు.