ఫొటో జర్నలిస్టుపై గ్యాంగ్ రేప్: ముగ్గురు దోషులు

ముంబై: మహారాష్ట్ర రాజధాని ముంబైలోని శక్తి మిల్స్ ఆవరణలో ఫొటో జర్నలిస్టుపై జరిగిన సామూహిక అత్యాచారం కేసులో సెషన్స్ కోర్టు గురువారం ముగ్గురు నిందితులను దోషులుగా నిర్ధారించింది. న్యూఢిల్లీలోని నిర్భయ కేసు తర్వాత అమలులోకి వచ్చిన భారత శిక్షాస్మృతిలోని సవరించిన 376(ఇ) సెక్షన్ కింద కోర్టు వారిని దోషులుగా నిర్దారించింది.

ఈ సెక్షన్ కింద వరుస నేరాలకు పాల్పడేవారికి మరణశిక్ష పడే అవకాశం ఉంటుంది. ముగ్గురు కూడా వరుస నేరాలకు పాల్పడినట్లు కోర్టు అభిప్రాయపడింది. టెలిఫోన్ ఆపరేటర్‌పై జరిగిన సామూహిక అత్యాచారం కేసులో ఈ ముగ్గురికి ఇదివరకే జీవిత ఖైదు పడింది.

శక్తిమిల్స్‌లో జరిగిన ఫొటో జర్నలిస్టుపై, టెలిఫోన్ ఆపరేటర్‌పై జరిగిన సామూహిక అత్యాచారం కేసుల్లో కోర్టు ఐదుగురిని దోషులుగా నిర్ధారించింది. ఐదుగురిలో ముగ్గురు రెండు కేసుల్లోనూ ఉన్నారు.

విజయ జాదవ్ (19), మొహమ్మద్ ఖాసిం హఫీజ్ షేక్ అలియాస్కాశిం బెంగాలీ (21), మొహమ్మద్ అన్సారీ ((28) రెండు కేసుల్లోనూ కోర్టు దోషులుగా నిర్ధారించింది.

English summary

In a landmark order, a sessions court on Thursday found three convicts guilty under the amended section 376 (E) of the Indian Penal Code, which came into force after the Nirbhaya case in New Delhi in December 2012.