ఐఏఎస్ అధికారి కుమార్తెకు వేధింపులు: హరియాణా బీజేపీ చీఫ్ కొడుకు వికాస్ అరెస్టు !
ఐఏఎస్ అధికారి కుమార్తెను వెంటాడి వేధించిన కేసులో హరియాణా బీజేపీ చీఫ్ సుభాష్ బరాలా కుమారుడు వికాస్ బరాలా(23)లను బుధవారం మద్యాహ్నం ఛంఢీగడ్ పోలీసులు అదుపులోకి తీసుకున్నారు.
ఛంఢీగడ్: ఐఏఎస్ అధికారి కుమార్తెను వెంటాడి వేధించిన కేసులో హరియాణా బీజేపీ చీఫ్ సుభాష్ బరాలా కుమారుడు వికాస్ బరాలా(23)లను బుధవారం మద్యాహ్నం ఛంఢీగడ్ పోలీసులు అదుపులోకి తీసుకున్నారు. వికాస్ బరాలాను ఛంఢీగడ్ సెక్టార్ 26వ పోలీస్ స్టేషన్ కు తీసుకెళ్లి విచారణ చేస్తున్నారు.
ఐఏఎస్ అధికారి కుమార్తె వర్ణికా కుంద్రాను వెంటాడిన వికాస్ బరాలా, అతని స్నేహితుడు ఆశిశ్ కుమార్ వేధింపులకు గురి చేశారు. బాధితురాలు ఫిర్యాదు చెయ్యడంతో పోలీసులు కేసు నమోదు చేశారు. వికాస్ బరాలా, ఆశిశ్ కుమార్ ఇద్దరూ న్యాయ విద్యార్థులు.
రక్త, మూత్ర నమూనాలు ఇచ్చేందుకు వికాస్ బరాలా నిరాకరించాడు. బుధవారం తమ ముందు విచారణకు హాజరుకావాలని పోలీసులు సమన్లు జారీ చేశారు. సమన్లు తీసుకోవడానికి వికాస్ బరాలా నిరాకరించాడు. అయితే పోలీసులు వికాస్ బారాల ఇంటికి సమన్లు అతికించారు.
బాధిత యువతి వర్ణికా కుంద్రా తన కుమార్తె లాంటిది, విచారణకు పూర్తిగా సహకరిస్తామని హరియాణా బీజేపీ చీఫ్ సుభాష్ బరాలా మీడియాకు చెప్పారు. వికాస్ బరాలా, ఆశిశ్ కుమార్ యువతిని వెంటాడి వేధించారని ఆరు సీసీకెమెరాల్లో రికార్డు అయ్యిందని, మరికొన్ని సాక్షాలు సేకరిస్తున్నామని హరియాణా డీజీపీ లుథారా మీడియాకు చెప్పారు.
Click it and Unblock the Notifications
Sign in with Google