బెంగాల్లో కౌంటింగ్ కు ముందే బీజేపీకి బిగ్ షాక్..! దటీజ్ మమత..!

పశ్చిమబెంగాల్లో (West Bengal)ని 294 అసెంబ్లీ నియోజకవర్గాల్లో రెండు విడతల్లో జరిగిన పోలింగ్ కు సంబంధించిన ఓట్ల లెక్కింపు రేపు జరగబోతోంది. ఈ కౌంటింగ్ ప్రక్రియకు ఈసీ భారీ భద్రతా ఏర్పాట్లు చేస్తోంది.అసలే ఎగ్జిట్ పోల్ ఫలితాల తర్వాత రాష్ట్రంలో బీజేపీ గెలిచే అవకాశం ఉందన్న అంచనాలతో తృణమూల్ కార్యకర్తలు రచ్చ చేస్తారనే ఆందోళన ఆ పార్టీలో నెలకొంది. ఇలాంటి సమయంలో బీజేపీకి మరో భారీ షాక్ తగిలింది. ఓట్ల లెక్కింపు కోసం ఈసీ నియమించిన సిబ్బంది తమ వివరాలను ప్రభుత్వానికి, రాజకీయ పార్టీలకు అందచేస్తున్నారన్న సమాచారం బీజేపీకి తెలిసింది.

ఓట్ల లెక్కింపు రోజు విధులకు నియమించబడిన పలువురు అధికారులు, తమ నిర్దిష్ట విధి వివరాలు, ప్రదేశాలు, హోదాలను తమ శాఖాపరమైన సంస్థలకు, సంఘాలకు వెల్లడిస్తున్నట్లు తన దృష్టికి వచ్చిందని బీజేపీ నేత సువేందు అధికారి (Suvendu Adhikari) వెల్లడించారు. అధికారులు స్వచ్ఛందంగా లేదా ఒత్తిడికి లోనై, లెక్కింపు ప్రక్రియలో తమ నిర్దిష్ట పాత్రలతో సహా ఎన్నికల విధి సమాచారాన్ని నింపుతున్న స్ప్రెడ్‌షీట్‌లు, జాబితాలు ప్రచారంలో ఉన్నాయని సమాచారం అందిందన్నారు. ఇది ఎన్నికల నియమాలను తీవ్రంగా ఉల్లంఘించడమే అని సువేందు తెలిపారు. దీనివల్ల అనుచిత ప్రభావానికి గురయ్యే ప్రమాదం ఉందన్నారు. ఒక అధికారి యొక్క నిర్దిష్ట నియామకం గురించి రాజకీయ పక్షపాతం ఉన్న సంస్థకు లేదా సంఘానికి తెలిసినప్పుడు, అది అనవసరమైన రాజకీయ ప్రభావానికి మరియు బెదిరింపులకు ఆస్కారం కల్పిస్తుందన్నారు.

అలాగే లెక్కింపు ప్రక్రియ యొక్క పవిత్రత, సిబ్బంది నియామకం యొక్క గోప్యతపై ఆధారపడి ఉంటుందని, ఈ గోప్యతకు ఏ భంగం కలిగినా అది ఫలితాల నిష్పక్షపాతాన్ని నేరుగా ప్రభావితం చేస్తుందన్నారు. అలాగే సంఘాలు చేసే ఇటువంటి 'సమాచార సేకరణ కీలకమైన ఓట్ల లెక్కింపు గంటలలో అధికార పక్షానికి అనుకూలంగా వ్యవహరించాలని అధికారులపై ఒత్తిడి తెచ్చేందుకు చేసే ఒక రహస్య ప్రయత్న అన్నారు. ఈ విషయాన్ని ఈసీ బెంగాల్ ప్రధాన ఎన్నికల అధికారి తక్షణమే సుమోటోగా స్వీకరించి, ఏ అధికారి కూడా తమకు కేటాయించిన లెక్కింపు విధిని ఏ సంస్థకు లేదా సంఘానికి వెల్లడించకుండా కఠినమైన ఆదేశాలు జారీ చేయాలని సువేందు కోరారు. అలాగే ఇలాంటి సున్నితమైన మోహరింపు సమాచారాన్ని సేకరిస్తున్న ఈ సంస్థలపై దయచేసి విచారణ ప్రారంభించాలని కోరారు.