దారుణం: వేడి వేడి పాలు మీద పడి చిన్నారి మృతి

న్యూఢిల్లీ: ఇంట్లో పసిపిల్లలుంటే అనునిత్యం వారిని కంటికి రెప్పలా కాపాడుతూ ఉండాలి. ప్రతి క్షణం కూడా వారిపై ఓ కన్నేసి ఉండాలి. ఎందుకంటే ఏ చిన్న పొరపాటు జరిగినా మనం భారీ మాల్యం చెల్లించుకోవాల్సి వస్తుంది కాబట్టి.

చిన్న చిన్న పొరపాట్లే నిండు జీవితాన్ని బలితీసుకుంటుంది. తాజాగా అలాంటి దురదృష్టకర సంఘటన ఢిల్లీలో చోటు చేసుకుంది. ఏడాదిన్నర వయసు కలిగిన ఓ చిన్నారి మీద వేడి వేడి పాలు పడటంతో ప్రాణాలు కోల్పోయింది.

ఈ సంఘటన అదివారం రాత్రి చోటు చేసుకుంది. దీనికి సంబంధించిన వివరాలిలా ఉన్నాయి. పాలను వేడి చేసిన చిన్నారి తల్లి అవి చల్లబడేందుకు గాను హాలులో ఫ్యాన్ కింద ఉంచి వేరే పనిలో నిమగ్నమైంది. అయితే ఆ విషంయ తెలియని చిన్నారి ఆడుకుంటూ ఆ పాల గిన్నెను తనపై పోసుకుంది.

దీంతో చిన్నారి అరుపులు విన్న ఆ కన్న తల్లి హుటాహుటిన సమీప ఆసుపత్రిలో చేర్పించారు. అయితే చిన్నారి శరీరం యాభై శాతం కాలిపోవడంతో చికిత్సకు సహకరించక మృత్యువాత పడింది. ఆ కుటుంబ సభ్యులే కాకుండా ఇరుగుపొరుగు వాళ్లు కూడా ఈ ఘటనను చూసి కన్నీటిపర్యంతమయ్యారు.

English summary

A one-and-half year old girl died of burn injuries here after hot milk spilled over her when she lifted the utensil, police said on Monday. The baby's mother had kept the boiled milk in the hall of their house to allow it to cool down and was attending to some other work in the kitchen when the tragic accident occurred Sunday night.