టీవీ షోలో ఒప్పుకోలు: ప్రియుడితో కలిసి భర్త హత్య

చెన్నై: తన భర్త హత్యకు ప్రియుడిని ప్రేరేపించినట్లు ఓ 38 ఏళ్ల మహిళ తమిల టెలివిజన్ రియాల్టీ షోలో అంగీకరించింది. సంఘటన జరిగిన ఐదు నెలల తర్వాత ఆమె పోలీసులకు లొంగిపోయింది. నిజానికి, దాన్ని మొదట ఆత్మహత్యగా భావించారు. డి. సుమతి అనే ఆ మహిళను ఇటీవల పోలీసులు తిరువూరు జిల్లా కోర్టులో హాజరు పరిచారు.

ఆమెకు కోర్టు జ్యుడిషియల్ కస్టడీ విధించింది. ఆమె లొంగిపోయిన రెండు రోజులకు ఆమె ప్రియుడు టి రాజన్ (49) కూడా పోలీసులకు లొంగిపోయాడు. అతనికి కూడా కోర్టు జ్యుడిషియల్ రిమాండ్ విధించింది.

తిరువూరు జిల్లాకు చెందిన సుమతి భర్త ఎస్ ధనశేఖర్ (46) ఓ ప్రభుత్వ పాఠశాలలో ప్రధానోపాధ్యాయుడిగా పనిచేస్తున్నాడు. ఆమె కూడా ప్రభుత్వ ఎయిడెడ్ పాఠశాలలో ఉపాధ్యాయురాలిగా పనిచేస్తుంది. రాజన్‌తో కలిసి సుమతి ధనశేఖర్‌కు మే 14వ తేదీన తమ ఇంట్లో విషమిచ్చి చంపారు.

సుమతి తమ కుటుంబ సభ్యుల ముందు నేరాన్ని అంగీకరించిందని మృతుడి సోదరుడు ఎస్ కన్నదాసన్ చెప్పారు. కొన్ని వారాల క్రితం టీవీ రియాల్టీ షోలో సుమతి స్వయంగా నేరాన్ని అంగీకరించింది. సుమతి, రాజన్‌లపై పోలీసులు హత్య కేసు నమోదు చేశారు.

English summary

A 38-year old woman, who confessed on a Tamil television reality show to abetting the murder of her husband by her paramour, surrendered before the police five months after the incident, which was initially treated as a case of suicide.