అతని ప్రయోగం సక్సెస్..! ఇక ఆలుగడ్డలతోను విద్యుత్
నైజీరియా : అంధకారం నుంచే వెలుగునిచ్చే ఆలోచనేదో పుట్టుకొస్తుంది. సరిగ్గా ఇదే తరహాలో తమకున్న విద్యుత్ లేమి ప్రతికూలతలను అధిగమించడానికి, తనకు వచ్చిన ఓ ఆలోచనను ఆచరణలో పెట్టాడు నైజీరియాకు చెందిన అలబి ఒలుసోలా అనే యువకుడు. ఆచరణలో పెట్టమే కాదు తన ప్రయోగం విజయవంతమవ్వడంతో ప్రపంచవ్యాప్తంగా ఇప్పుడతని ప్రయోగం ఓ హాట్ టాపిక్ గా మారింది.
నైజీరియాలో సాధారణంగానే విద్యుత్ సమస్య చాలా ఎక్కువ. దీంతో అక్కడి కుటుంబాలను ఏళ్లుగా విద్యుత్ కష్టాలు వెంటాడుతున్నాయి. ప్రభుత్వాలు కూడా ఈ సమస్యను పరిష్కరించేందుకు ప్రయత్నిస్తున్నా పూర్తి స్థాయిలో విద్యుత్ అవసరాలను తీర్చలేకపోతున్నారు. అయితే ఈ విద్యుత్ కష్టాల నుంచి తమ కుటుంబాన్ని గట్టెక్కించాలనుకున్న అలబీ ఒలుసా అనే నైజీరియన్, ఆలుగడ్డలతో విద్యుత్ తయారుచేసి అబ్బురపరుస్తున్నాడు.
తనకున్న పరిజ్ఞానాన్ని ఉపయోగించి కాపర్, జింక్ ఎలక్ట్రోడ్స్ ద్వారా ఆలుగడ్డల నుంచి విద్యుత్ జెనరేట్ అయ్యేలా ఆ నైజీరియన్ యువకుడు తన ప్రయోగాలు సాగించి సక్సెస్ అయినట్టుగా తెలుస్తోంది. ప్రస్తుతం అతని ప్రయోగం సక్సెస్ అవడంతో తన ఇంటి అవసరాల కోసం ఆలుగడ్డల విద్యుత్ నే ఉపయోగిస్తున్నట్టు సమాచారం.
Click it and Unblock the Notifications
Sign in with Google