అమెరికాలో విమాన ప్రమాదం: రన్ వే పై అడ్డంగా

అమెరికాలో ఘోర విమాన ప్రమాదం చోటు చేసుకుంది. ఈ ఘటనలో ఇద్దరు దుర్మరణం పాలయ్యారు. పలువురు ప్రయాణికులు తీవ్రంగా గాయపడ్డారు. ప్రమాదం తీవ్రతను దృష్టిలో పెట్టుకుని అధికారులు ఎయిర్ పోర్ట్ కార్యకలాపాలన్నింటినీ సస్పెండ్ చేశారు. దీన్ని తాత్కాలికంగా మూసివేశారు. ప్రస్తుతం అత్యవసర సర్వీసులు మాత్రమే ఈ విమానాశ్రయంలో అందుబాటులో ఉన్నాయి. సమాచారం అందిన వెంటనే పోలీసులు, అగ్నిమాపక, విపత్తు నిర్వహణ సిబ్బంది సంఘటన స్థలానికి చేరుకున్నారు. సహాయక చర్యలు చేపట్టారు.

న్యూయార్క్ లోని లా గార్డియా ఎయిర్ పోర్ట్ లో ఈ దుర్ఘటన చోటు చేసుకుంది. ఎయిర్ కెనడా ఎక్స్‌ప్రెస్ బాంబార్డియర్ సీఆర్జే-900 విమానం ప్రమాదానికి గురైంది. రన్ వే పై అదుపు తప్పి ఓ అగ్నిమాపక వాహనాన్ని ఢీకొట్టింది. ఈ ఘటనలో ఇద్దరు మృతి చెందారు. పలువురు ప్రయాణికులు తీవ్రంగా గాయపడ్డారు. ప్రమాద సమయంలో ఎయిర్ పోర్ట్ లో భారీ వర్షం పడింది. దీనివల్ల అది రన్ వే పై నుంచి జారి ఉండొచ్చని భావిస్తోన్నారు.

జాంజ్ ఎయిర్‌లైన్స్ కు చెందిన ఈ బాంబార్డియర్ మాంట్రియల్ నుండి ఎయిర్ కెనడా ఎక్స్‌ప్రెస్ సర్వీసుగా న్యూయార్క్ కు చేరుకుంది. ఫ్లైట్‌ రాడార్ 24 డేటా ప్రకారం విమానం మాంట్రియల్ లోని ట్రుడో అంతర్జాతీయ విమానాశ్రయం నుండి బయలుదేరి అమెరికా కాలమానం ప్రకారం రాత్రి 11:37 నిమిషాలకు న్యూయార్క్ లా గార్డియా ఎయిర్ పోర్ట్ లో ల్యాండ్ అయింది. రన్‌వే 4 పై దిగిన అనంతరం ట్యాక్సీ వేలో ప్రయాణించింది. సమీపంలో ఉన్న ఓ అగ్నిమాపక వాహనాన్ని ఢీ కొట్టింది.

🚨 BREAKING UPDATE: MULTIPLE CRITICAL PATIENTS AFTER AIR CANADA FLIGHT COLLIDES WITH VEHICLE WHILE LANDING AT LAGUARDIA AIRPORT. POSSIBLE FATALITIES. https://t.co/hZWimAuwe5 pic.twitter.com/62SUgxoUkA

— Breaking911 (@Breaking911) March 23, 2026

ఈ ఘటనలో విమానం నోస్ ఎడ్జ్, ముందు భాగం ఫ్యూసిలేజ్ నుజ్జునుజ్జు అయ్యాయి. తీవ్రంగా దెబ్బతిన్నాయి. ఢీ కొట్టిన తర్వాత ఆ వేగానికి కొంతదూరం అగ్నిమాపక వాహనాన్ని ఈడ్చుకెళ్లిందీ ఫ్లైట్. విమానం వెనుక వైపునకు వాలిపోయింది. ఈ ఘటనలో ఇద్దరు మృతి చెందారు. పలువురు ప్రయాణికులు తీవ్ర గాయాలపాలయ్యారు. గాయపడ్డ వారిలో అగ్నిమాపక వాహనం సిబ్బంది కూడా ఉన్నారు. ఈ ప్రమాదం తర్వాత ఎయిర్ పోర్ట్ ను మూసివేసినట్లు ఫెడరల్ ఏవియేషన్ అడ్మినిస్ట్రేషన్ (FAA) ప్రకటించింది. ప్రయాణికులను వెంటనే టార్మాక్‌పైకి తరలించారు. ఘటన జరిగిన వెంటనే సోషల్ మీడియాలో దీనికి సంబంధించిన వీడియోలు వైరల్ అయ్యాయి.

WATCH: New video from LaGuardia Airport in New York City after plane collided with fire truck; multiple victims. pic.twitter.com/5cUpr3YjJf

— AZ Intel (@AZ_Intel_) March 23, 2026

English summary

Air Canada Express Plane Collides With Ground Vehicle Upon Landing at LaGuardia of New York Several Injured. According to preliminary reports, the the Air Canada plane collided with the fire truck while heading to a gate amid inclement weather conditions. ప్రమాద సమయంలో ఎయిర్ పోర్ట్ లో భారీ వర్షం పడింది. దీనివల్ల అది రన్ వే పై నుంచి జారి ఉండొచ్చని భావిస్తోన్నారు.