FIFA World Cup Final: ఫుట్బాల్ జగజ్జేతగా: నరాలు తెగే ఉత్కంఠత.. 36 ఏళ్ల తరువాత..!!
దోహా: ఫెడరేషన్ ఆఫ్ ఇంటర్నేషనల్ ఫుట్బాల్ అసోసియేషన్ (ఫిఫా) ప్రపంచ కప్ 2022 ముగిసింది. కొద్దిసేపటి కిందటే ఫైనల్ మ్యాచ్ పూర్తయింది. ఈ సాకర్ పండగకు ఆతిథ్యాన్ని ఇచ్చిన ఖతర్లోని లుసెయిల్ స్టేడియంలో నరాలు తెగే ఉత్కంఠతను రేకెత్తించిందీ ఫైనల్. 90 నిమిషాల్లో పూర్తి కావాల్సిన మ్యాచ్.. రెట్టింపు సమయాన్ని తీసుకుంది. ఫైనల్లో అర్జెంటీనా- ఫ్రాన్స్ మధ్య హోరాహోరీగా సాగిన పోరుకు నిలువుటద్దం పట్టింది.
సీట్ ఎడ్జ్ మ్యాచ్..
భారత కాలమానం ప్రకారం రాత్రి 8:30 గంటలకు మ్యాచ్ మొదలైంది. పలువురు సాకర్ సూపర్ స్టార్లకు ఇది చివరి ఫిఫా వరల్డ్ కాబోతోండటం, హేమాహేమీల్లాంటి జట్లు వెనుదిరిగడం ప్రాధాన్యతను సంతరించుకుంది. అందరి దృష్టీ ఈ మ్యాచ్ మీదే నిలిచింది. లుసెయిల్ స్టేడియంలో జరిగిన ఫైనల్ మ్యాచ్లో అర్జెంటీనా- ఫ్రాన్స్ తలపడ్డాయి. కొదమసింహాల్లా పోరాడాయి. ప్రేక్షకుడిని సీట్ ఎడ్జ్లో కూర్చోబెట్టాయి. మ్యాచ్ టైమ్, ఎక్స్ట్రా టైమ్లో కూడా రెండు జట్లు సమవుజ్జీగా నిలిచాయింటే ఎంత పట్టదలగా ఆడారో అర్థం చేసుకోవచ్చు.
సమవుజ్జీలుగా..
ఈ రెండు జట్లు కూడా మొదటి నుంచీ టైటిల్ హాట్ ఫేవరెట్స్గానే ఉంటూ వచ్చాయి. లీగ్స్ దశతో పాటు సెమీ ఫైనల్స్లో అభిమానుల అంచనాలకు అనుగుణంగా సత్తా చాటాయి. ఈ రెండు జట్లు కూడా తమ ప్రత్యర్థులను చిత్తు చేసి, ఫైనల్స్కు చేరుకున్నాయి. ఫైనల్లో కూడా అదే పట్టుదలను ప్రదర్శించాయి. మ్యాచ్ను పోగొట్టుకోవడానికి ఏ జట్టు కూడా ఇష్టపడలేదు. పట్టు వదలకుండా పోరాడాయి. గంటన్నరలో ముగియాల్సిన మ్యాచ్.. మూడు గంటల పాటు సాగింది.
విన్నింగ్ ప్రాబబిలిటీకి అనుగుణంగా..
ఈ రెండు జట్ల మీద కూడా భారీగా అంచనాలు ఉన్నాయి. విన్నింగ్ ప్రాబబిలిటీ దాదాపుగా సమానంగా ఉంటోంది. 90 నిమిషాల పాటు జరిగే ఈ పోరులో ఫ్రాన్స్ వైపు మొగ్గు చూపిన అభిమానుల సంఖ్య 33 శాతంగా ఉంది. అర్జెంటీనా గెలుస్తుందని అంచనా వేసిన ఫేవరెట్లు 37 శాతం మంది ఉన్నారు. ఎక్స్ట్రా టైమ్ వైపు 30 శాతం మంది అభిమానులు అంచనా వేశారు. ఈ అంచనాలకు ఏ మాత్రం తగ్గని విధంగా రసవత్తరంగా సాగింది మ్యాచ్.
జగజ్జేతగా..
చివరికి జగజ్జేతగా అర్జెంటీనా ఆవిర్భవించింది. 36 సంవత్సరాల నిరీక్షణకు తెర దించింది. లియెనెల్ మెస్సి.. సగర్వంగా కప్ను ముద్దాడాడు. పెనాల్టీ షూటౌట్లో ఫ్రాన్స్ను ఓడించాడీ సాకర్ సూపర్ స్టార్. మ్యాచ్ టైమ్లో 2-2 గోల్స్తో సమవుజ్జీగా నిలిచాయి అర్జెంటీనా, ఫ్రాన్స్. తొలుత అర్జెంటీనా రెండు గోల్స్ సాధించినప్పటికీ- ఫ్రాన్స్ స్టార్ ఎంబాపా వరుసగా రెండు గోల్స్ కొట్టి స్కోర్ను సమం చేశాడు. దీనితో మ్యాచ్ ఎక్స్ట్రా టైమ్కు వెళ్లింది. అక్కడా అంతే ఈ రెండు జట్లు కూడా 3-3 గోల్స్తో సమంగా నిలిచాయి.
పెనాల్టీ షూటౌట్..
దీనితో పెనాల్టీ షూటౌట్ అనివార్యమైంది. ఇక్కడ ఫ్రాన్స్ తడబడింది. తొలి గోల్ను కొట్టి ఫ్రాన్స్ బోణీ కొట్టినప్పటికీ- అదే దూకుడును కొనసాగించలేకపోయింది. తొలి గోల్ను కైలియన్ ఎంబాప్పె సాధించాడు. 1-0తో నిలిపాడు. అర్జెంటీనా జట్టులో మెస్సి గోల్ కొట్టాడు. స్కోర్ను 1-1తో సమం చేశాడు.
మిస్ చేసుకున్న ఫ్రాన్స్..
ఆ తరువాత ఫ్రాన్స్లో కింగ్స్లే విఫలం అయ్యాడు. ఈ షూటౌట్ మిస్ అయింది. అర్జెంటీనా మాత్రం ఆ తప్పు చేయలేదు. పాలో డైబాలా బంతిని నెట్స్లో పంపగలిగాడు. 2-1తో నిలిచింది అర్జెంటీనా. ఫ్రాన్స్ ప్లేయర్ షోమెనీ విఫలం అయ్యాడు. అదే సమయంలో అర్జెంటీనా ఆటగాడు లోరిస్ గోల్ కొట్టడంతో ఆధిక్యత 3-1 పెరిగింది. ఫ్రాన్స్ కొలొ మవుని గోల్ కొట్టినప్పటికీ 3-2 తేడాతో ఆధిక్యతలోనే నిలిచింది అర్జెంటీనా. చివర్లో మాంటెల్ మరో గోల్ కొట్టడంతో 4-2 తేడాతో ఫీఫా ప్రపంచకప్ అర్జెంటీనా వశమైంది.
Click it and Unblock the Notifications
Sign in with Google