కెనడాలో ఖలిస్థానీ ఉగ్రవాది, నిజ్జర్ సన్నిహితుడు అరెస్ట్
భారత్ వాంటెడ్ లిస్టులో ఉన్న ఖలిస్థానీ ఉగ్రవాది అర్షదీప్ సింగ్ అలియాస్ అర్ష్ దల్లాను కెనడా పోలీసులు అరెస్ట్ చేశారు. గత నెల కెనడాలో ఓ పట్టణంలో ఉగ్రవాదులు కాల్పులు జరిపిన ఘటనలో అర్ష్ దల్లా ప్రమేయం ఉన్నట్లు తెలుస్తోంది. ఖలిస్థానీ ఉగ్రవాది హర్దీప్ సింగ్ నిజ్జర్కు అర్ష్ దీప్ సన్నిహితుడు కావడం గమనార్హం.
అక్టోబర్ 27, 28న మిల్టర్ పట్టణంలో ఉగ్రవాదులు కాల్పులు జరిపిన ఘటనలో అర్ష్దీప్ ప్రమేయం ఉన్నట్లు పోలీసులు గుర్తించారు. కెనడా ఎన్ఫోర్స్మెంట్ ఏజెన్సీలు, పోలీసులు సయుక్తంగా దర్యాప్తు చేపట్టారు. తాజాగా, అతడిని అరెస్టు చేసినట్లు సమాచారం. భారత్లో పలు నేర కార్యకలాపాల్లో అర్షదీప్ ప్రమేయం కూడా ఉండటం గమనార్హం.
ప్రస్తుతం అర్ష్ దీప్ తన భార్యతో కలిసి కెనడాలో నివాసం ఉంటున్నాడు. అక్కడ్నుంచే మనదేశంలోని పంజాబ్ రాష్ట్రంలో నేర కార్యకలాపాలకు పాల్పడ్డాడు. కాంగ్రెస్ నాయకుడు బల్జీందర్ సింగ్ బల్లి హత్యలో సూత్రధారిగా ఉన్నాడు. తన తల్లి పోలీసుల కస్టడీలో ఉండటానికి కాంగ్రెస్ నేత కారణమని.. అందుకే హత్యు పాల్పడినట్లు గతంలో సోషల్ మీడియాలో పోస్టు చేశాడు. మరిన్ని నేరాలకు పాల్పడటంతో భారత్ అతడిని వాంటెడ్ లిస్టులో చేర్చింది.
కాగా, కెనడా పోలీసులు అర్ష్ దల్లాను అరెస్టు చేసినట్లు భారత భద్రతా సంస్థలకు సమాచారం అందింది. ఈ అరెస్టు గత నెలలో జరిగిన సాయుధ ఘర్షణతో ముడిపడి ఉంది. హాల్టన్ రీజినల్ పోలీస్ సర్వీస్ (HRPS) ఇటీవల దల్లాతో జరిగిన కాల్పులపై విచారణకు నాయకత్వం వహిస్తోంది. ఈ సంఘటన, తదుపరి అరెస్టు గురించి మరిన్ని వివరాలను సేకరించేందుకు భారత అధికారులు తమ కెనడియన్ సహచరులతో చురుకుగా సమన్వయం చేసుకుంటున్నారు.
ఖలిస్తానీ టైగర్ ఫోర్స్లో డల్లా ఒక ప్రముఖ వ్యక్తి, దాని చీఫ్గా వ్యవహరిస్తున్నాడు. హతమైన ఉగ్రవాది హర్దీప్ సింగ్ నిజ్జర్ వారసుడిగా ఆయనను పరిగణించారు. ఖలిస్తానీ సమూహాలతో ముడిపడి ఉన్న నేర కార్యకలాపాలను పరిష్కరించడానికి కొనసాగుతున్న ప్రయత్నాలలో అతడ్ని పట్టుకోవడం ప్రాధాన్యత సంతరించుకుంది.
Click it and Unblock the Notifications
Sign in with Google