ఐసిస్ కిరాతకం, వీడియో: కళ్లకు గంతలు కట్టి, లాగి చేయి నరికారు(పిక్చర్స్)

By Srinivas

Published: Wednesday, March 4, 2015, 16:34 [IST]

సిరియా: ఐసిస్ అఘాయిత్యాలు రోజుకొకటి వెలుగులోకి వస్తున్నాయి. తాజాగా మరో వీడియో విడుదలయింది. ఇందులో ఓ వ్యక్తి చేతిని కిరాతకంగా నరికి వేశారు. మాంసం కొట్టే కత్తితో ఆయన చేతిని దారుణంగా నరికారు. ఈ వీడియో మంగళవారం విడుదలైనట్లుగా తెలుస్తోంది.

బాధితుడిని గూఢచారిగా భావించిన ఇస్లామిక్ స్టేట్ తీవ్రవాదులు అతనిని లాక్కొచ్చారు. అక్కడే ఉన్న పెద్దల సూచన మేరకు అతనిని తీసుకు వచ్చారు. అతని కళ్లకు గంతలు కట్టారు. ఆ తర్వాత అతని కుడి చేతిని కత్తితో నరికారు.

ఆ తర్వాత ఆ బాధితుడి చేతికి ఓ వైద్యుడు కుట్లు వేశాడు. దీనిని వీడియో తీశారు. బాధితుడి పేరు అహ్మద్ ముహమ్మద్‌గా భావిస్తున్నారు. ఈ సంఘటన ఐసిస్ సిరియా రాజధాని రగ్గాలో జరిగింది.