దద్దరిల్లిన అమెరికా.. గన్‌కల్చర్‌పై దేశవ్యాప్తంగా నిరసనలు, ఆటవిడుపులో ట్రంప్!

వాషింగ్టన్: గన్‌కల్చర్‌కు వ్యతిరేకంగా చేపట్టిన నిరసన, ప్రదర్శనలతో అగ్రరాజ్యం అమెరికా దద్దరిల్లింది. అమాయకుల ప్రాణాలను బలి తీసుకుంటున్న గన్‌కల్చర్‌ నియంత్రణకు చర్యలు తీసుకోవాలంటూ శనివారం దేశవ్యాప్తంగా వందలాది మంది తమ నిరసన వ్యక్తం చేశారు.

14 మంది విద్యార్థుల ప్రాణాలు గాల్లో కలవడంతో గన్‌కల్చర్‌పై ఫ్లోరిడాలోని స్టోన్‌మాన్ డగ్లస్ హైస్కూల్ విద్యార్థులు, సిబ్బంది ఉద్యమాన్ని చేపట్టిన సంగతి తెలిసిందే. శనివారం చరిత్రాత్మకమైన 'మార్చ్ ఫర్ అవర్ లైఫ్స్' కార్యక్రమానికి వీరిచ్చిన పలుపుకు భారీ స్పందన లభించింది.

ఈ మార్చ్‌లో పాల్గొనేందుకు విద్యార్థులు, సామాన్య జనాలు వాషింగ్టన్ నగరానికి పోటెత్తారు. ప్రభుత్వ కార్యాలయాలు, సముదాయాలు, రోడ్లు జనంతో నిండిపోయాయి. తమ స్నేహితులు, తోటి విద్యార్థుల ప్రాణాలు కళ్లెదుటే పొతుంటే చూసిన విద్యార్థులు తమ బాధను ఈ వేదిక ద్వారా పంచుకున్నారు.

గన్‌కల్చర్‌ను నియంత్రించకపోతే అమాయకుల ప్రాణాలు పోతాయంటూ కన్నీళ్లు పెట్టుకున్నారు. గన్‌కల్చర్ నియంత్రణకు చట్టాలు తీసుకురావాలని డిమాండ్ చేశారు. జార్జ్ క్లోనే, అరియానా గ్రాండే, మిలే సైరస్, స్టీవెన్ స్పిల్‌బర్గ్, గ్లేన్ క్లోస్, చెర్ వంటి సెలబ్రిటీలు వాషింగ్టన్‌లో జరిగిన నిరసన కార్యక్రమంలో పాల్గొన్నారు.

కేవలం తొమ్మిదేళ్ల వయసున్న మార్టిన్ లూథర్ కింగ్ జూనియర్ మనువరాలు యోలాండా కూడా ఈ కార్యక్రమంలో ప్రసంగించింది. అమెరికా వ్యాప్తంగా మరో 800 నిరసన ప్రదర్శనలు జరిగాయి.

ఇదిలావుండగా వీకెండ్ కావడంతో అధ్యక్షుడు డొనాల్డ్ ట్రంప్ కుటుంబంతో సహా తన గోల్ఫ్ క్లబ్‌కు వెళ్లారు. సాధారణంగా వీకెండ్స్‌లో ట్విట్టర్ ద్వారా స్పందించే ట్రంప్ దేశంలో ఇన్ని నిరసన ప్రదర్శనలు జరుగుతున్నా ఈసారి ఎందుకో మౌనంగానే ఉండిపోయారు.

English summary

Hundreds of thousands of protesters have taken to the streets across the US to call for tighter gun control. The March For Our Lives movement arose after 17 deaths in a school shooting in Parkland, Florida, last month. Student leader and Parkland survivor Emma Gonzalez gave a powerful speech at the main Washington DC event. After listing the names of the victims, she stayed silent on stage for six minutes, 20 seconds - the time it took for them to be killed. More than 800 sister protests were planned nationwide and abroad, with solidarity events taking place in Edinburgh, London, Geneva, Sydney and Tokyo. As events began to draw to a close on the US east coast, they continued on the west, including a major demonstration in Los Angeles.