వయస్సు 89 ఏళ్లు... 10 వేల సర్జరీలు! డాక్టర్ బామ్మ.. ది గ్రేట్!!

రష్యా రాజధాని మాస్కోలోని ర్యాజన్ సిటీ హాస్పిటల్ లో డాక్టర్ గా పని చేస్తోన్న అల్లా ఇలియినిచ్నా లెవుష్కినా 89 ఏళ్ల వయస్సులో కూడా రోజుకు 4 సర్జరీలు చేస్తూ అందరినీ ఆశ్చర్యపరుస్తోంది.

మాస్కో: వయస్సు కేవలం శరీరానికే కాని మనసుకు కాదు.. ఉత్సాహం ఉండాలేకానీ వయస్సు ఎంత ఉన్నా.. ఎవరైనా.. ఏ పనైనా చేయొచ్చని నిరూపిస్తోంది ఓ బామ్మ. ఈమె వయస్సు 89 సంవత్సరాలు. చేస్తుంది వైద్య వృత్తి.

ఇది కాదు అసలు సంగతి. ఈ వయస్సులోనూ ఈ డాక్టర్ బామ్మ ఎడాపెడా సర్జరీలు చేసిపారేస్తోంది. 1950లలో డాక్టర్ గా తన కెరీర్ మొదలెట్టిన ఆమె ఇప్పటివరకు తన 67 ఏళ్ల వైద్య వృత్తిలో దాదాపు 10 వేల సర్జరీలు చేసింది. ఇందులో ఏ సర్జరీ కూడా ఫెయిలవకపోవడం విశేషం.

రష్యా రాజధాని మాస్కోలోని ర్యాజన్ సిటీ హాస్పిటల్ లో డాక్టర్ గా పని చేస్తోన్న అల్లా ఇలియినిచ్నా లెవుష్కినా 89 ఏళ్ల వయస్సులో కూడా రోజుకు 4 సర్జరీలు చేస్తూ అందరినీ ఆశ్చర్యపరుస్తోంది.

ఈమె ఇప్పటి వరకు వివాహం కూడా చేసుకోలేదు. తన మేనల్లుడితో కలిసి నివసిస్తోంది. ప్రపంచంలోనే అత్యంత ఎక్కువ వయస్సు గల వర్కింగ్ సర్జన్ గా కూడా రికార్డు సృష్టించిన లెవుష్కినాను సర్జన్ గా ఆమె విజయ పరంపరపై ప్రశ్నిస్తే... తాను జీవించి ఉన్నంత కాలం సర్జరీలు చేస్తూనే ఉంటానని, చికిత్స చేసి మనిషికి ప్రాణం పోయడం కన్నా మించిన పని ఏముంటుందని బదులిస్తోంది.

English summary

If you think that age slows you down then you’ve obviously never met Alla Illyinichna Levushkina. She’s a surgeon at Ryazan City Hospital near Moscow, and despite being almost 90 – yes, you heard that correctly – she still performs 4 operations every day.