ఫేక్ ల్యూకేమియా: జైల్లో అమెరికా 'అందాల' బొమ్మ
వాషింగ్టన్: ల్యూకేమియాతో బాధపడుతున్నానని చెప్పి, వైద్యం కోసం సహాయం చేయాలని నమ్మించి చాలామంది నుంచి, చాలా సంస్థల నుంచి డబ్బులు కాజేసింది ఓ అమెరికా యువతి.
ఆమె గతంలో ఆందాల పోటీల్లో పాల్గొని విజేతగా నిలిచింది కూడా. మిస్ పెన్సిల్వినియా బ్రాండీ లీ వీవర్ గేట్స్.. తాను ల్యూకేమియాతో బాధపడుతున్నానని చెప్పి ఎంతోమంది నుంచి చాలా డబ్పులు వసూలు చేసింది.
అయితే, ఆమెకు ఎలాంటి వ్యాధి లేదని డాక్టర్లు నిర్ధారించారు. దాంతో పోలీసులు ఆమెను అరెస్టు చేశారు. మిస్ పెన్సిల్వేనియా పోటీల్లో గెలుచుకున్న నగదును, కిరీటాన్ని తిరిగి ఇచ్చేయాలని అందాల పోటీ నిర్వాహకులు చెప్పారు.
బ్రాందీ లీ వీవర్ గేట్స్ వయస్సు 23. తనకు రెండేళ్లుగా ల్యూకేమీయా ఉందని చెబుతూ ఎంతోమంది నుంచి డబ్బులు వసూలు చేసింది. పలువురు విద్యార్థులు ఆమె కోసం చారిటీలు నిర్వహించారు. ఇటీవలే ఓ చారిటీ ఈవెంటులో 14వేల డాలర్లు వచ్చాయి. ఆమె నిజంగానే ల్యూకేమియాతో బాధపడుతోందని భావించి ఆమె చికిత్స కోసం చాలామంది పెద్ద ఎత్తున డబ్బులు ఇచ్చారు.