న్యూయార్క్ హైసెక్యూరిటీ జోన్ లో ఘోరం.. ఉలిక్కిపడ్డ అమెరికా

అమెరికాలో గన్ కల్చర్ పేట్రేగింది. మరోసారి తుపాకీ గర్జించింది. అమాయకుల ప్రాణాలను తీసింది. మన్ హట్టన్ లో చోటు చేసుకున్న కాల్పుల్లో నలుగురు దుర్మరణం పాలయ్యారు. పలువురికి తీవ్ర గాయాలయ్యాయి. ఈ ఘటనకు పాల్పడిన వ్యక్తిని కూడా న్యూయార్క్ పోలీసులు కాల్చి చంపారు.

న్యూయార్క్ లోని మిడ్‌టౌన్ మాన్‌హాటన్‌లో.. పార్క్ అవెన్యూ, ఈస్ట్ 51వ స్ట్రీట్ లో ఆ దేశ కాలమానం ప్రకారం.. సోమవారం సాయంత్రం ఈ ఘటన సంభవించింది. స్థానికంగా ఓ స్కైస్క్రాపర్‌లో ఓ వ్యక్తి విచక్షణారహితంగా కాల్పులు జరిపాడు. ఈ ఘటనలో న్యూయార్క్ పోలీస్ డిపార్ట్ మెంట్ కు చెందిన ఓ అధికారి సహా నలుగురు మరణించారు. అనంతరం పోలీసులు ఆ దుండగుడిని హతమార్చారు.

మిడ్‌టౌన్ మాన్‌హాటన్‌లోని ఎన్ఎఫ్ఎల్ ప్రధాన కార్యాలయం, బ్లాక్‌స్టోన్ వంటి అనేక ప్రధాన ఆర్థిక సంస్థల కార్యాలయాలు ఉన్న ఈ ప్రాంతాన్నీ హైసెక్యూరిటీ జోన్ గా పరిగణిస్తారు. అలాంటి చోటే కాల్పులు సంభవించడం ప్రాధాన్యతను సంతరించుకుంది. ఈ ఘటనతో అమెరికా ఉలిక్కిపడింది.

అసోసియేటెడ్ ప్రెస్ కథనం ప్రకారం.. నిందితుడిని నెవాడాకు చెందిన 27 ఏళ్ల షేన్ తమూరాగా గుర్తించారు. సాయంత్రం 6:15 నిమిషాల సమయంలో ఈ ఘాతుకానికి పాల్పడ్డాడు. మిడ్ టౌన్ లో కాల్పులు సంభవించినట్లు 6:30 గంటల ప్రాంతంలో కంట్రోల్ రూమ్ కు ఫోన్ కాల్ అందినట్లు న్యూయార్క్ పోలీస్ డిపార్ట్ మెంట్ కు చెందిన ఓ ఉన్నతాధికారి వెల్లడించారు.

సమాచారం అందిన వెంటనే పోలీసులు, భద్రత సిబ్బంది హుటాహుటిన సంఘటన స్థలానికి చేరుకున్నారు. తొలుత షేన్ తమూరాను లొంగిపోవాలంటూ ఆదేశించారు. దీన్ని పట్టించుకోకపోవడంతో ఎదురు కాల్పులు జరిపారు. ఈ కాల్పుల్లో అతను మరణించినట్లు NYPD అధికారులు తెలిపారు.

అంబులెన్స్‌లు, పోలీసు వాహనాల సైరన్ మోతలతో సంఘటనస్థలం మొత్తం భీతావహంగా మారింది. పరిస్థితి తీవ్రత నేపథ్యంలో పోలీసులు హెలికాప్టర్లను సైతం రంగంలోకి దించారు. ఈ ప్రాంతంలో అనేక ఫైవ్-స్టార్ బిజినెస్ హోటల్స్‌తో పాటు కోల్‌గేట్ పామోలివ్, కేపీఎంజీ వంటి కార్పొరేట్ ప్రధాన కార్యాలయాలు ఉన్నాయి.

VIDEO | A shooting at a midtown Manhattan office building has left at least five people dead, including an off-duty New York City police officer, reports AP. Visuals from the incident site.#NewYork #NewYorkNews

(Source: AFP/PTI)

(Full Video available on PTI Videos -… pic.twitter.com/NH42TTaxTC

— Press Trust of India (@PTI_News) July 29, 2025

ఈ కాల్పుల్లో చాలా మందికి గాయాలయ్యాయని న్యూయార్క్ మేయర్ ఎరిక్ ఆడమ్స్ వెల్లడించారు. దీనికి సంబంధించిన సమాచారాన్ని తన అధికారిక ఎక్స్ అకౌంట్ లో పోస్ట్ చేశారు. ఓ వీడియోను పోస్ట్ చేశారాయన. మరణించిన పోలీస్ అధికారి కుటుంబానికి తన ప్రగాఢ సానుభూతిని తెలియజేశారు.

English summary

The incident happened when a person fired shots inside a Midtown Manhattan skyscraper housing the NFL headquarters and offices of several major financial firms, including hedge fund giant Blackstone, injuring several people. అమెరికాలోని మన్ హట్టన్ లో భారీగా కాల్పులు సంభవించాయి. ఈ ఘటనలో నలుగురు మరణించారు. హంతకుడినీ పోలీసులు కాల్చి చంపారు.