గాలి కోసం విమానం డోర్ ఓపెన్: తప్పిన ముప్పు, ఏమైందంటే?
బీజింగ్: విమానం టేకాఫ్ అవుతున్న సమయంలోనే ఓ ప్రయాణీకుడు విమానానికి ఉన్న అత్యవసర ద్వారాన్ని తెరిచాడు. దీంతో లోపలికి గాలి చొచ్చుకు వచ్చింది. ఈ విషయాన్ని గమనించిన పైలెట్ వెంటనే విమానాన్ని టేకాఫ్ కాకుండా నిలిపివేశాడు. ఈ ఘటన చైనాలో చోటు చేసుకొంది.
విమానంలో గాలి సరిగా రావడం లేదని విమానానికి ఉన్న అత్యవసర ద్వారం వద్ద కూర్చొన్న ప్రయాణీకుడు ఆ ద్వారాన్ని తెరిచాడు. అయితే అదే సమయంలో విమానం టేకాఫ్ అవుతోంది. దీంతో గాలి ఒక్కసారిగా విమానంలోకి వచ్చింది. ఈ ఘటన చైనాలోని మిన్యాంగ్ నాన్ జియావో ఎయిర్పోర్ట్లో ఏప్రిల్ 27వ తేదిన చోటు చేసుకొంది.
విమానంలోని అత్యవసర ద్వారం వద్ద కూర్చొన్న చెన్ అనే ప్రయాణీకుడు ఈ మేరకు అత్యవసరద్వారం వద్ద కూర్చొన్నాడు. గాలి రావడం లేదని అత్యవసర ద్వారాన్ని ఓపెన్ చేశాడు.
టేకాఫ్ చేయడాన్ని ఆపివేసి ఆ యువకుడిని విమాన సిబ్బంది పోలీసులకు అప్పగించారు. అవగాహన లేని కారణంగానే తాను అత్యవసర ద్వారాన్ని ఓపెన్ చేశానని ఆ యువకుడు పోలీసులకు వివరించాడు. దీంతో 15 రోజుల పాటు విమాన ప్రయాణాలు చేయకుండా చెన్పై నిషేధం విధించారు. అంతేకాదు 70 వేల యెన్ల జరిమానాను కూడ విధించారు.
Click it and Unblock the Notifications
Sign in with Google