ట్రంప్కు తలనొప్పి.. పుతిన్కు పండగ!: భారత్, చైనాకు రష్యానే దిక్కు!
అమెరికా-ఇరాన్ దేశాల మధ్య జరుగుతున్న యుద్ధం ప్రపంచ ఆర్థిక వ్యవస్థను అతలాకుతలం చేస్తోంది. మధ్యప్రాచ్యంలో నెలకొన్న యుద్ధ వాతావరణం, ముఖ్యంగా కీలకమైన హార్ముజ్ జలసంధి మూతపడటంతో ప్రపంచవ్యాప్తంగా ఇంధన సంక్షోభం ఏర్పడింది. అయితే ఈ సంక్షోభం రష్యా దేశానికి మాత్రం కాసుల వర్షం కురిపిస్తోంది. ఈ యుద్ధం కారణంగా రష్యా ప్రతిరోజూ సుమారు రూ.1250 కోట్లు అదనపు ఆదాయాన్ని గడిస్తోంది.
రష్యాకు వరంగా మారిన యుద్ధం?
ఇరాన్ తన పరిధిలోని హార్ముజ్ జలసంధి గుండా ఓడల రాకపోకలను నిలిపివేయడంతో ప్రపంచ చమురు సరఫరాలో దాదాపు కోటి బ్యారెళ్ల కొరత ఏర్పడింది. దీనివల్ల అంతర్జాతీయ మార్కెట్లో ముడిచమురు ధరలు బ్యారెల్కు 100 డాలర్ల మార్కును దాటేశాయి. ఈ పెరిగిన ధరలు రష్యా ఆర్థిక వ్యవస్థకు భారీ ఊతాన్ని ఇస్తున్నాయి. పెరిగిన ధరల వల్ల రష్యాకు రోజుకు సుమారు 150 మిలియన్ డాలర్ల (రూ.1250 కోట్లు) అదనపు ఆదాయం వస్తోంది. ప్రస్తుతం రష్యా ఇంధన విక్రయాల ద్వారా రోజుకు 550 మిలియన్ డాలర్ల కంటే ఎక్కువ సంపాదిస్తోంది. ఇది యుద్ధం మొదలవ్వకముందు కంటే 14 శాతం ఎక్కువ. రష్యా బడ్జెట్లో ముడిచమురు ధరను 59 డాలర్లుగా అంచనా వేయగా.. ప్రస్తుతం మార్కెట్లో రష్యా 'యూరల్స్ క్రూడ్' ధర 62 డాలర్లకు చేరింది.
భారత్, చైనా నుంచి పెరిగిన డిమాండ్
మిడిల్ ఈస్ట్లో సరఫరా నిలిచిపోవడంతో భారత్, చైనా వంటి పెద్ద దిగుమతి దేశాలు తమ ఇంధన అవసరాల కోసం రష్యా వైపు మొగ్గు చూపుతున్నాయి. గతంలో అమ్ముడుపోకుండా ట్యాంకర్లలో ఉండిపోయిన సుమారు 3.2 కోట్ల బ్యారెళ్ల రష్యా చమురును కొనుగోలుదారులు వేగంగా కొనేశారు. చైనాకు చెందిన ప్రభుత్వ సంస్థలు వచ్చే వేసవి వరకు రష్యా నుంచి రాయితీ ధరకే చమురు పొందేలా భారీ ఒప్పందాలు చేసుకుంటున్నాయి.
ప్రపంచ ఆర్థిక వ్యవస్థపై యుద్ధ సెగ
ఒకవైపు రష్యాకు లాభాలు వస్తున్నప్పటికీ.. ప్రపంచవ్యాప్తంగా సామాన్యుడిపై దీని ప్రభావం తీవ్రంగా ఉంది. చమురు ధరల పెరుగుదల వల్ల నిత్యావసర వస్తువుల ధరలు ఆకాశాన్నంటుతున్నాయి. డాలర్తో పోలిస్తే భారత రూపాయి విలువ రికార్డు స్థాయిలో 92.49కి పడిపోయింది. ప్రపంచ చమురు సరఫరాలో 20 శాతం వాటా ఉన్న హార్ముజ్ మార్గం మూతపడటం ప్రపంచ సరఫరా గొలుసును దెబ్బతీస్తోంది. అమెరికా, ఇరాన్ యుద్ధాన్ని ఆపడానికి ప్రయత్నిస్తుండగా.. రష్యా మాత్రం ఈ పరిస్థితిని తన ఆర్థిక ప్రయోజనాల కోసం వాడుకుంటోంది. ట్రంప్ ప్రభుత్వం ఈ పరిస్థితిని ఎలా ఎదుర్కుంటుందో వేచి చూడాలి.
-
సరిహద్దుల్లేని వ్యాపారానికి సుంకాల బేడీలు? భారత్ పట్టు.. అమెరికాకు తలనొప్పి! -
గ్యాస్, పెట్రోల్, డీజిల్ పై ఏపీ వాసులకు సూపర్ న్యూస్.. మీకు దిగులు లేదు! -
యుద్ధం వేళ.. భారత్ కు అదానీ బిగ్ బూస్ట్.. 2 వేల మెషిన్ గన్ లు డెలివరీ.. -
3 ప్రభుత్వ బ్యాంకులకు ఆర్బీఐ షాక్.. రూల్స్ బ్రేక్ చేస్తే ఊరుకునేదే లేదంటూ !! -
పెరుగులో ఉప్పు లేదా చక్కెర - ఆరోగ్యానికి ఎవరికి ఏది మంచిది..!! -
దివ్యాంగుల ప్రతిభకు పట్టం: రూ. 5 లక్షలు గెలుచుకునే ఛాన్స్.. అప్లై చేసుకోండిలా! -
ఆసియాలోనే అతిపెద్ద, ప్రపంచంలో నాలుగో అతిపెద్ద విమానాశ్రయాన్ని ప్రారంభించనున్న ప్రధాని మోదీ -
వంట గ్యాస్ బుక్ చేసినా రావటం లేదా, ఇలా చేయండి.. వెంటనే..!! -
హిట్ కొట్టాడురా సామీ!.. మిస్టరీ థ్రిల్లర్ అదిరిపోయింది..! -
ఈ సినిమా చూస్తే ఈఎంఐల జోలికే పోరు సామి! -
today rashiphalalu: మీనరాశిని వదిలిపెట్టని ముఖ్యగ్రహాలు.. వీరి పంట పండుతుంది! -
హైదరాబాద్ జూపార్క్ లో వింత జంతువు.. భారీగా తరలివస్తున్న పర్యటకులు
Click it and Unblock the Notifications
Sign in with Google