Gotabaya Escape : మాల్దీవులు-సింగపూర్-సౌదీ అరేబియా- సేఫ్ ప్లేస్ వెతుక్కుంటూ గోటబాయ పరారీ

శ్రీలంకలో ఆర్ధిక సంక్షోభానికి, ఆ తర్వాత రాజకీయ సంక్షోభానికి కారణమైన అధ్యక్షుడు గోటబాట రాజపక్సను నిరసనకారులు విదేశాలకు వెళ్లినా వదిలిపెట్టే పరిస్దితులు కనిపించడం లేదు.దీంతో శ్రీలంక నుంచి మాల్దీవులకు వెళ్లిన గోటబాయ అక్కడి నుంచి సింగపూర్ కు, తిరిగి సౌదీ అరేబియాకు పారిపోయినట్లు తెలుస్తోంది. అయినా ఆయనకు సురక్షిత స్ధానం మాత్రం దొరకడం లేదు.

శ్రీలంక అధ్యక్షుడు గోటబయ రాజపక్సే పదవీ విరమణ చేయడానికి నిరాకరించడంతో శ్రీలంక ఆర్థిక సంక్షోభం క్షణక్షణానికీ తీవ్రమవుతోంది. నిన్న తన భార్య, ఇద్దరు సిబ్బందితో కలిసి మాల్దీవుల్లోని మాలేకు గోటబాయ పారిపోయిన తర్వాత .. ప్రధానమంత్రి రణిల్ విక్రమసింఘేను తాత్కాలిక అధ్యక్షుడిగా నియమించారు.

తద్వారా నిరసనకారులను మరింత రెచ్చగొట్టారు. నిరసనకారులు ఇప్పటివరకు రాష్ట్రపతి భవనం, ప్రధానమంత్రి కార్యాలయం, ప్రధానమంత్రి ఇల్లు , జాతీయ టీవీ ప్రసారాలను స్వాధీనం చేసుకున్నారు. ప్రతిపక్ష నాయకుడు సజిత్ ప్రేమదాస ఇప్పటివరకు ప్రభుత్వ చర్యలను "పూర్తి అరాచకం" అని అన్నారు.

శ్రీలంక అధ్యక్షుడు రాజపక్సే సౌదీ ఎయిర్‌లైన్స్ విమానాన్ని సింగపూర్‌కు తీసుకెళ్తున్నట్లు మాల్దీవుల అధికారులు తెలిపారు. రాజపక్సే మాల్దీవుల నుంచి సౌదీ ఎయిర్‌లైన్ ఫ్లైట్ SV 788లో సింగపూర్‌కు బయలుదేరినట్లు వారు తెలిపారు. ఆ తర్వాత విమానంలో సౌదీ అరేబియా వెళ్లనున్నారు. అక్కడ కూడా ఆయనకు ఆశ్రయం లభిస్తుందో లేదో గ్యారంటీ మాత్రం లేదు. దీంతో గోటబాట పరిస్ధితి నానాటికీ దారుణంగా మారుతున్నట్లు తెలుస్తోంది.

English summary

sri lankan president gotabaya rajapaksa has been flying between countries to find his safe heaven amid protests against him in own country.