సముద్రంలో మునిగిపోనున్న అలస్కాలోని గ్రామం

అలస్కా: వాతావరణ మార్పుల కారణంగా మంచు పర్వతాలు కరిగిపోతున్నాయి. ఎన్నో మార్పులు వస్తోన్న విషయం తెలిసిందే. తాజాగా అలస్కాలోని కివలిన గ్రామం త్వరలో సముద్రంలో మునిగిపోనుందని చెబుతున్నారు.

పచ్చని చెట్లతో కళకళలాడిన అమెరికాలోని అలస్కా రాష్ట్రంలోని ఈ కివలిన గ్రామం ఇప్పుడు సముద్ర గర్భంలో కలిసిపోనుందని హెచ్చరిస్తున్నారు. ఒకప్పుడు సముద్ర మట్టానికి 400 అడుగుల ఎత్తులో ఉంది. ఇప్పుడు కేవలం ఎనిమిది నంచి పది అడుగుల దూరానికి చేరింది.

చుట్టూ నీరు ఉన్న ఈ గ్రామం, 2025 నాటికి సముద్రం గర్భంలో కలిసిపోనుందని చెబుతున్నారు. ఇటీవల అమెరికా ఆర్మీ పటాలం ఇంజినీర్లు ఈ విషయం చెప్పారు. ఆర్కిటెక్ వలయానికి 83 మైళ్ల దూరంలోని దీవిలో ఆ గ్రామం ఉంది. ప్రస్తుతం ఈ గ్రామంలో నాలుగు వందలకు పైగా జీవిస్తున్నారు.

ఇదిలా ఉండగా, ఆ గ్రామం మునిగిపోతుందనే కారణంతో అలస్కా ప్రభుత్వం అక్కడ అభివృద్ధి చర్యలను తగ్గించింది. ఒకప్పుడు ఇక్కడ పండ్ల తోటలు, తిమింగళాల వేటపై బతికిన ప్రజలు నేడు ఒడ్డుకు వచ్చే సీల్స్ పైన ఆధారపడి బతుకుతున్నారు. కొందరు అలస్కాకు వలసపోయారు. కొందరు ఎటు వెళ్లలేక ఉండిపోయారు.

English summary

This is climate change: Alaskan villagers struggle as island is chewed up by the sea