ఖమేనీ, అతని కుమారుడ్ని చంపేందుకు ట్రంప్ ఆదేశాలు ఇచ్చారా..?
అమెరికా, ఇరాన్ ల మధ్య యుద్ధ వాతావరణం నెలకున్న విషయం తెలిసిందే. అణు ఒప్పందం విషయంలో ఇరాన్ అమెరికా మధ్య తీవ్ర ఉదిక్తతలు వేళ ఇటీవల అమెరికా అధ్యక్షుడు డోనాల్డ్ ట్రంప్ ఇరాన్ కు అల్టిమేటం ఇచ్చారు. వచ్చే 10- 15 రోజుల్లోగా అమెరికాతో అణు ఒప్పందం కుదుర్చుకోవాలని లేకపోతే ఇరాన్ తీవ్ర పరిణామాలను ఎదుర్కోవాల్సి వస్తుందని వార్నింగ్ ఇచ్చిన విషయం తెలిసిందే. అయితే ఇరు దేశాల మధ్య తదుపరి పరిణామాలు తీవ్ర ఉత్కంఠను పెంచుతున్నాయి. ఇరు దేశాల మధ్య ఉద్రిక్తతలు మరింత తీవ్రమయ్యే ప్రమాదం ఉన్నట్లు విశ్లేషకులు భావిస్తున్నారు. అయితే ఈ నేపథ్యంలో ఇరాన్ అధినేత అలీ ఖమేనీతోపాటు అతడి కొడుకు మొతాబా ఖమేనీని కూడా చంపాలని అమెరికా ఆలోచిస్తున్నట్లు సమాచారం అందుతోంది.
అమెరికన్ వార్తా సంస్థ ఆక్సియోస్ నివేదిక ప్రకారం.. ఇరాన్ పై సైనిక చర్యల కోసం పెంటగాన్ ట్రంప్ కు పలు ప్రణాళికలను సమర్పించింది. అణ్వాయుధాలపై ప్రతిష్టంభన ఏర్పడితే ఇరాన్ అత్యున్నత నాయకుడు అయతుల్లా అలీ ఖమేనీ, ఆయన కుమారుడు మోజ్తబా, ఇతర సీనియర్ మత పెద్దలను లక్ష్యంగా చేసుకుని దాడి చేసే అత్యంత తీవ్రమైన ప్రణాళికలు ఇందులో ఉన్నాయి.
మరోవైపు ఇరాన్ కొత్త ప్రతిపాదనకు అమెరికా ఉన్నత ప్రమాణాలను నిర్దేశించింది. టెహ్రాన్ అణు వార్హెడ్లను శాశ్వతంగా వదులుకోవడానికి సిద్ధంగా ఉందని ఒప్పందంలో స్పష్టంగా చూపాలని అమెరికా అధికారులు పేర్కొన్నారు. "అధ్యక్షుడు ట్రంప్, దేశంలో రాజకీయంగా సమర్థనీయమైన, బలమైన ఒప్పందాన్ని అంగీకరించడానికి సిద్ధంగా ఉంటారు" అని ఓ సీనియర్ అమెరికా అధికారి ఆక్సియోస్ తో అన్నారు. ఆయన ఇంకా మాట్లాడుతూ, "ఒకవేళ ఇరాన్ తమపై దాడిని నివారించాలనుకుంటే, మనం నిరాకరించలేని ఒక ప్రతిపాదనను మాకు ఇవ్వాలి" అని స్పష్టం చేశారు.
ఇక ఇరాన్ ఆమోదయోగ్యమైన ప్రతిపాదనతో ముందుకు రావడానికి "10 నుండి 15 రోజులు" మాత్రమే ఉందని ట్రంప్ విలేకరులతో ఇటీవల అన్నారు. ఈ ప్రకటన తర్వాత రెండు వైపుల నుండి వాదప్రతివాదనలు మరింత తీవ్రమయ్యాయి. అమెరికా ఉద్దేశ్యాలపై అంచనాలకు ప్రతిస్పందిస్తూ, ఖమేనీ బహిరంగ ప్రసంగంలో బెదిరింపులను కొట్టిపారేశారు, ఇరాన్ను లొంగదీసుకోలేరని ఆయన స్పష్టం చేశారు.
ప్రాంతీయ ఆందోళన కూడా అధికమవుతోంది. రాయిటర్స్ ప్రకారం, గల్ఫ్ దేశాలు, ఇజ్రాయెల్ చర్చల ద్వారా పరిష్కారం కంటే సైనిక చర్యతోనే ఈ ఘర్షణ ముగిసే అవకాశం ఉందని మరింత ఎక్కువగా విశ్వసిస్తున్నాయి. ఇది మధ్యప్రాచ్యంలో మరో పెద్ద సంక్షోభానికి దారితీయవచ్చని పలు వర్గాలు ఆందోళన వ్యక్తం చేస్తున్నాయి.
అమెరికా ఈ ప్రాంతంలో తన సైనిక ఉనికిని విస్తరిస్తోంది. 2003 ఇరాక్ దండయాత్ర తర్వాత జరిగిన అతిపెద్ద సేనల సమీకరణలలో ఇది ఒకటి అని అధికారులు వెల్లడిస్తున్నారు. ప్రస్తుతానికి, ఈ సంక్షోభం చర్చలు, ఉద్రిక్తతల మధ్య నిలిచి ఉంది. భవిష్యత్ పరిణామాలు అస్పష్టంగా ఉన్నాయి.
Click it and Unblock the Notifications
Sign in with Google