ఫేస్బుక్-ఆధార్ లింక్: సమాచారం అడగడం లేదని వివరణ
న్యూఢిల్లీ: పాస్వర్డ్, బ్యాంకు ఖాతా, మొబైల్ నెంబర్ ఇలా ప్రతి దానికి ఆధార్ తప్పనిసరి అయింది. తాజాగా ఫేస్బుక్ ఖాతా తెరవాలన్నా ఆధార్ కావాలని ఫేస్బుక్ తెలిపింది. దీని వల్ల నకిలీ ఫేస్బుక్ ఖాతాల ఆట కట్టించవచ్చునని దాని ఆలోచన.
అయితే దీనిపై తీవ్ర విమర్శలు వచ్చాయి. దీనిపై ఫేస్బుక్ స్పందించింది. తాము ఆధారాలు అడగడం లేదని, కేవలం దానిపై ఉన్న పూర్తి పేరును మాత్రమే అడుగుతున్నామని తెలిపింది. ఆధార్ సంఖ్యను అడగడం లేదని పేర్కొంది.
ఫేస్బుక్ను భారత్లో దాదాపు 217 మిలియన్ల మంది వినియోగదారులు ఉపయోగిస్తారని, వారిలో 212 మిలియన్ల మంది వారి స్మార్ట్ ఫోన్లలో ఉపయోగిస్తుంటారని, ప్రపంచవ్యాప్తంగా ఒక నెలలో ఫేస్బుక్ను ఉపయోగించే వారి సంఖ్య 2.1 బిలియన్ అని ఫేస్బుక్వర్గాలు తెలిపాయి.
కేంద్రం దేశవ్యాప్తంగా ఉన్న నకిలీలను తీసేయడానికి ఎలా అన్నిటికి ఆధార్ తప్పనిసరి అని ఎలా ప్రకటించిందో అలాగే ఫేస్బుక్లో ఉన్న నకిలీ ఖాతాలను కూడా తీసేయడానికి ఆధార్ అనుసంధానం చేయనున్నామని అంతేకానీ ఆధార్లోని పూర్తి వివరాలను తెలపమనలేదని పేర్కొంది.