స్మార్ట్‌ఫోన్‌కి బానిసైన యువతి: చేతి వేళ్లు వంగిపోయాయి!, చికిత్స చేసిన వైద్యులు, జాగ్రత్త!

బీజింగ్: నేటి యువతరం మొబైల్ ఫోన్లకు ఎంత బానిసగా మారారో ఈ ఘటన తెలియజేస్తోంది. ఉదయం నిద్రలేచిన దగ్గర్నుంచి అర్ధరాత్రి వరకు స్మార్ట్ ఫోన్ లేకుండా ఉండలేకపోతున్నారు. చైనాకు చెందిన ఓ యువతి స్మార్ట్ ఫోన్ నిరాంతరంగా వాడటంతో ఆమె చేతి వేళ్లు ఏకంగా వంగిపోవడం గమనార్హం.

స్మార్ట్‌ఫోన్ బానిస

వివరాల్లోకి వెళితే.. చైనాలోని హునాన్ ప్రావిన్స్‌కు చెందిన ఓ యువతి స్మార్ట్ ఫోన్‌కు బానిసగా మారింది. తన ఉద్యోగానికి వారం రోజులు సెలవు పెట్టి మరీ సమయన్నంతా ఫోన్‌ను వినియోగిస్తూనే ఉంది. కేవలం నిద్రపోయే సమయంలోనే ఆమె తన ఫోన్‌ను పక్కనపెట్టేవారు.

వంగిపోయిన చేతివేళ్లు..

ఇలాగే రోజు చేయడంతో చేతులు నొప్పిపెట్టి.. చివరికి ఆమె వేళ్లు వంగిపోయి బిగుసుకుపోయాయి. స్మార్ట్‌ఫోన్‌ను ఏ విధంగా పట్టుకుని ఉందో అదే పొజిషన్‌లో ఆమె వేళ్లు కూడా ఉండిపోయాయి. తిరిగి మామూలు స్థితికి రాలేకపోయాయి.

చికిత్స చేసిన వైద్యులు.. సూచన

ఈ క్రమంలో ఆమె వైద్యులను సంప్రదించకతప్పలేదు. ఆమెకు చికిత్స చేసిన వైద్యులు.. తిరిగి ఆమె చేతివేళ్లను మామూలు స్థితికి తీసుకువచ్చారు. అయితే, స్మార్ట్ ఫోన్ వినియోగాన్ని వీలైనంత వరకు తగ్గించాలని వైద్యులు సూచించారు.

వీడియో వైరల్

ఆమెకు సంబంధించిన వీడియో ఇప్పుడు సోషల్ మీడియాలో వైరల్‌గా మారింది. ఇప్పటికైనా యువత తమ స్మార్ట్ ఫోన్లను అవసరం మేరకే వాడుకుంటే మంచిది. లేదంటే ఇలాంటి ఇబ్బందులే ఎదుర్కోవాల్సి తప్పకపోవచ్చు.

English summary

A woman in China recently found she was unable to move her fingers after a week-long binge of using her cell phone continually. According to Shanghaiist, the incident took place in the city of Changsha in China's Hunan province. The unnamed woman had to seek treatment at a hospital before she regained normal movement in her hand.